Nizan kha kan khua pawngah a ummi IBC Khrihfabu(sandnes)ah Dr. Salai Lianhmung Sakhawng nih phung a chim lai an ti caah ka vaa i pum ve. Biakinn chungah kan ṭhu ṭi i, ca na ṭial ti maw a ka ti.
Aizawl hrambunh in zarhkhat voikhat an chuahmi “The Chin Post“ ah tlolh loin ka rak ṭial tawn nain, ralhrang nih Victoria camp an kah hnu khan kan nam kho ti lo an ti i, atu cu ka ṭial ti lo ka ti lai ka ti lio ah thla kan cam ta hna lai tiah an rak kan auh caah ka chim manh ti lo.
Pumh a dih in ṭukṭak kan ei lio ah kum 60 kan luan hnu cun thil kan i cenken kho tuk ti lo ee a ti. Biaphawng den pah in a chimmi a si ko nain, khua tampi a ka ruahter. A chim awk theih lo tuk bia ah, “na tlanval kaa in miphun caah thi dengmang in na cawlcang lengmang ko i, MAH hi nan tei lai maw, a mah nih maw an tei hna lai maw, a fian te tik khi na kumkhua hna nih a zawh te lai maw hi ka naupa“ ka hei ti cakhawng ve. Thaizing kiptuh kan tei lai hi a ka ti ve. Crd.Perhkalh Thawng
Leave a Reply