Nu pakhat, a va he aa ṭhen cang mi nih, FB ah a lungfah nak bia vialte tu le tu a bungh lengmang tik ah, a molh mi le a fim lo tuk mi zoh in zoh duh hlah uh!

Nu pakhat, a va he aa ṭhen cang mi nih, FB ah a lungfah nak bia vialte tu le tu a bungh lengmang tik ah, a molh mi le a fim lo tuk mi zoh in zoh duh hlah uh!

Nangmah le keimah nak a let in a rak fim mi,Kannak in khua a rak ruat kho deuh mi,a si kho ti khi philh lo ah a ṭha. A-si-ah-cun ziah cu ti cun bia aa sum ne lo ziah a lungfah nak le a rak tem-in nak cua chim peng tiah na ruah kho men.

A ruang cu — a hma a dam rih lo caah a si.A hma a hil taktak rih lo caah a si. Amah le mah therapy aa tuah caah a si.FB hi a therapist pakhat bantuk in a ruah
caah a si.

Ziah therapist sin ah a kal ko lo?
Therapist sin kal man voikhat ah
nazi pakhat $160 in $200 kar a dih.Voikhat kal lawng a za lo.
A thla thla in kal a hau. A holh thiam nak nih a tlinh lo caah si kho.Holh let rawih ding a ngaih lo caah si kho.An hma a hil hlan tiang anmah lungduh ten zai ko hna seh! A thlarau aa hliamh cang mi an si.

Kum zeizat dah an rak tem-ing kan hngal lo.Voi zeizat dah mi an rak ngaithiam kan hngal lo.Voi zeizat dah an chantling ciap dih in zaan fatin an ṭah kan hngalh piak hna lo.

Chim ko hna seh! Zai ko hna seh!
Nih sawh hna hlah uh!Capo ah seih hna hlah uh! Nanmah unau le farle le fanu le nih an ton ve sual ah cun tu bantuk in nan nii kho nem mam te lai lo. Healing take time, let them heal.

Note : Domestic abuse chung in a rak chuak mi lainu cheukhat FB ah an zai tik ah, mi zeimaw nih an nih sawh mi hna ka hmuh caah, ka ngaih a chia i ka ṭial mi a si.Crd.Khun Te