CDF-Hakha Ralrin Peknak An Cathanh Kong He Pehparin-Ram le miphun caah Nunnak an pek cuahmah ko ti mit nih a hmuh ko buin nihin tiangah Hakha khuapi chungah Laikhat asimi cheukhat cu CDM tuah hrimhrim an duh hlei lo. Anmah ruahnak ahcun CDM kan tuah ahcun zeidah kan ei lai, kan nih cu bawmtu kan nei ve lo tiin solhphelhnak/excuse an tuah peng. Cozah rian a tuan lomi vialte khi zeitindah an nun i an ei ti zong an theih ko ttung.
CDM atuahmi chungin hmundang leiin bawmtu a neilomi an tamtuk ti zong an theih fawn ko. Uknak tha duh ruangah minung tamtuk nih nunnak an sung cang, atu tiang an doh cuahmah ti zong an mit nih nichiar a hmuh fawn ko. Cu buin nihin tiang ah SAC tangah riantuan mi an tamtuk thiamthiam.
Nihin tiang CDF nawlnak le thawngthanh ralrin peknak zeiah an rel lo. Hi hi an paw caah rian an tuan timi nakin SAC ralhrang he thutdir ti, tuanti le tlawnlen an duh deuh caah asi cang ti ko usih. CDM tuah in cheukhat nih nunnak pek hmanh an sian lio ah rian ka kal tak kho lo ti cu zumh an tlai ti lo.
CDF zong nih SAC tang riantuanmi (Cozah/tender) warning peknak atuahnak a sau ngai ve cang. Nihin tiangah nawlngailo mi minung pazeizat dah dantatnak an pek cang hna ti zong theih khawhmi an um rih rua lo (zapi theih a that lo zong asi kho). Dantatnak a um ahcun rianthar luh le rian thing ah kir than ti cu an ngamh lai zumh asi lo.
Mipi vengtu, mipa caah hriamtlai bu pakhat nih athanhmi Warning statement chuah cang mi cu follow-up tuah thluahmah ahcun ralhrang tidahlo zungah athumi an um theng hnga lo. Tutan ah CDF-Hakha nih ralrin peknak statement an chuah mi hi zeidah a lawh te hnga, atuanmi cungah action laknak a um lem lo ahcun Hakha khuapi zungah Laimi an khat colh te ko lai dah.Crd.Ceuuk Ceuuk
Leave a Reply