Kahdoh a fahnak Sagaing ramṭhen chung lawng ah nu 17 an nunnak a liam i 24 tlaih an tong tiah theih asi.

Ram Pumpi Huap March Thla Chung Lawng Ah Nu 29 Nunnak Liam, 58 Tlaih An Tong

Myanmar ram pumpi huap, a luancia March thla chung ah nu 29 an nunnak a liam i 58 tlaih an tong tiah Burmese Women’s Union nih April ni 6, ah a thanh.Kahdoh a fahnak Sagaing ramṭhen chung lawng ah nu 17 an nunnak a liam i 24 tlaih an tong tiah theih asi.

Nunnak liammi nu hna hi Sagaing ramṭhen ah 17, Chin ramkulh ah 4, Shan ramkulh ah 1, Karen ramkulh ah 1, Magway ramṭhen ah 3, Mon ramkulh ah 2 le Mandalay ramṭhen ah 1 hna in an si.

Tlaihkhih a tongmi nu hna hi Sagaing ramṭhen ah 24, Shan ramkulh ah 2, Mandalay ramṭhen ah 2, Yangon ramṭhen ah 8, Tanintharyi ramṭhen ah 10, Kachin ramkulh ah 3, Bago ramṭhen ah 2, Magway ramṭhen ah 3 le Ayeyarwady ramṭhen ah 4 hna an si tiah cathanh an chuah.

SAC nih hramhram in uknak a laak 2021 February ni 1, in 2023 March ni 31, tiang Myanmar ram pumpi huap in nu 3,307 tlaihkhih an tong i cu chung ah 785 biakhiahnak tuahpiak an si, 458 tiang an nunnak a liam tiah theih a si.

Atu ah langhtermi cazin hna cu media nih an langhtermi cazin khawmhsuatmi a si caah a tak ah atu langhtermi nakin a tam deuh kho tiah Burmese Women’s Union nih cathanh an chuah.The Chin Post

Be the first to comment

Leave a Reply

Your email address will not be published.


*