A tulio ah a laar ngaimi 10 millions project hna hi,CNF/A min rak hmang hna sehlaw a chuak kho bal lai lo,a tlam zong a tling nemmam lai lo tiah upa khuaruat kho tiah ruahmi hna zong nih a chimmi an um len hoi cuh..
Kan lung a fian khawh deuhnak cio ah cun, kum 2021 lio ah CNF/A nih Emergency National Securities Fund (ENSF) tiin tlawm an rak suk lio ahkhan 4 millions hrawng aa rak timh I, 7 million hrawng a rak chuak ko kha mu..
Mipi hi a dik lomi propaganda hna ronh timh len hna ding an si ti lo,a tu ahcun thildik hi thuhnawh khawh a si ti lo ee!!Crd.Salai Tial Thawng
Pale Ah SAC Ralkap Le Tualchung Hriamtlai Phu Kar Kahdohnak Ah SAC Ralkap Ralbawi 2 Telh In 10 An Thi. Sagaing ramṭhen, Pale peng ah SAC ralkap hna cu voi tampi kahdoh an tong i cu kahdohnak chung ah cun ralbawi 2 telh in 10 an thi tiah Yoemayaza PDF in ṭuanvo ngeitu pakhat nih a chim.
Nihin, March ni 3 zinglei suimilam 9:00 hrawng ah Pale peng Mintaipin khua nitlaklei ah hmaisuang SAC ralkap hna cu tualchung hriamtlai phu hna nih naih tein an kahdoh hna caah SAC ralkap 5 an thi, an hnulei in kah an bawmh hna caah tualchung hriamtlai phu lei hnu an tolh ṭhan tiah Yoemayaza PDF in ṭuanvo ngeitu pakhat nih a chim.
April ni 2, chunhnu suimilam 1:00 hrawng ah Mintaipin khua in Hnawkan khua ah thirleng in a kalmi SAC ralbawi Buhmu Min Myat Thu le ralkap 1 cu kah an ton caah an pahnih in an thih pin ah MA 3 meithal 2 le phone lung hnih an chuh khawh hna tiah theih a si.
April ni 1, ah Pale khuachung General zuklem hmai ah ralvennak a tuahtu SAC ralkap 11 cu Daungnat Naysi Machia(ဒေါင်းနက် နယ်စည်းမခြား) pahkahphah nih bomb lung li puahhnawh in an doh hna caah ral bawi pakhat telh in ralkap 3 an thi tiah theih a si.
Kaphnih kar kahdohnak ah SAC ralkap hna cu Yoemayaza phu, ṭatkhuai 2 Ko Ngyo Kyi phu, Daungnat Naysi Machia(ဒေါင်းနက် နယ်စည်းမခြား) pahkahphah, Yinmabin pengkomh battalion 10, Yekhaung pahkahphah, Pale battalion 7, battalion 9, PLA phufonh nih an kahdoh hna tiah theih a si.The Chin Post
Leave a Reply