𝐙𝐢𝐚𝐡 𝐀𝐮𝐬𝐭𝐫𝐚𝐥𝐢𝐚𝐧 𝐂𝐢𝐭𝐢𝐳𝐞𝐧𝐬𝐡𝐢𝐩 𝐒𝐨𝐤 𝐍𝐚 𝐇𝐞𝐫𝐡?Australian Citizen na si lo ahcun, Australia ram phungbia ning in ‘alien (ramdangmi)’ na si.

𝐙𝐢𝐚𝐡 𝐀𝐮𝐬𝐭𝐫𝐚𝐥𝐢𝐚𝐧 𝐂𝐢𝐭𝐢𝐳𝐞𝐧𝐬𝐡𝐢𝐩 𝐒𝐨𝐤 𝐍𝐚 𝐇𝐞𝐫𝐡?Australian Citizen na si lo ahcun, Australia ram phungbia ning in ‘alien (ramdangmi)’ na si.

Ralzam sinak chirhchan in, Australia ah zungzal umnak covo ngeimi (Permanent Resident – PR) na si zong ah ‘alien’ na si peng. Australia ah na fale chuak hmanh hna sehlaw, an kum a tlin hlan tiang nulepa sinak ‘alien’ an i hrawm.

Australian Constitution (Phunghram) Section 51(xix) nih Australian Parliament nawl a pek hna — Australian ram ah ‘aliens’ phungbia sernak nawl a pek hna. Cucaah, Australian Parliament nih Migration Act 1958 (Cth) ‘Mipem Phungbia’ an ser. Hi phungbia hi Australian Parliament nih a herhning paoh in an thlenremh khawh peng. Hi Mipem Phungbia hin, PR sinak visa chuh khawh a si. PR nih thong dantat awk sualfak a tuah ahcun, a visa chuh i, a semnak ram ah kuat khawh a si.

Australian Citizen a si cangmi kong ah citizenship chuhnak lam a bi tuk. Australian Citizenship le Chinmi na si ahcun, Myanmar khi na ram a si ti lo (Myanmar nih ‘alien’ an ti ve cang). PR na si ahcun, Myanmar mi na si rih. Cucaah, sualfak kong in Myanmar ah khirh khawh a si.

Singh le Australian Cozah tazacuainak ah Australian High Court (HC) (Sangcem Biaceihtu) nih Australian ram i a chuakmi bawhte cu, ‘alien’ a si, India rammi a si tiah bia a khiah. A nu le a pa hi Indian an si; cucaah, bawhte a chuah bak hin, India phungbia nih a nu le pa thawng in Indian citizen a siter colh tiah HC nih bia a khiah.

Australian Immigration phungbia ah Australia ram i a chuakmi paoh cu, Australian Citizen ah a pom hna. Asinain an kum a tlin hlan chung cu, nu le pa citizenship an i hrawm in a ruah hna ti khawh a si. Shaw le Australian Immigration Minister tazacuainak ah bawhte a si lio in, Australia ram ah a um pengmi Shaw (PR a ngeimi) kha ‘alien’ a si, British a si tiah HC bia a khiah. A PR visa an chuh hnu ah taza an i cuai cu a si.

Cucaah, atu hi caanrem a si — Labor Party nih Australian Cozah an tlaih lio ah hin, Australian Citizenship sok ve; hnangam in um hlah. Sok ve lengmang ko i, Citizenship awn khawh ve lo ahcun, zei ti awk a ttha lo. Sok duh bak lo kha a ttha lomi a si. Kum tling lo fale na ngeih hna ahcun, anmah zawn tal kha ruat; nu le pa nih sualfak tuah sual ahcun, na fale tiang a hnorsuan khawh hna. Australia ram i an chuah ko zong ah a cunglei ah kan langhter cangmi khi na rel ko khah.

Mipem kong le Citizenship kong hi Australian Parliament nawl bakte a si. Phungbia kha mipem caah har chin lengmang dingin an remh ahcun, hika um Chinmi PR caah a har vima lai. A caan lio a si hih.Crd.CH Khar