Nawi Dam Sernak Kong Ah Lei Le Lo Ngeitu Pu Ro Cung Bia

Chin cozah nih Hakha khuathar i a um mi Nawi Dam sernak kong ah Nawi hmun ah lei le lo ngeitu inn 14 hna cu Hluttaw lei in voi 3 tiang an auh hna i biaruahnak an ngeih hna.

Nan lei le lo hi Dam kan ser lai i ekah pakhat ah ting 15 in pek tawn a si ko nain nan pawcawmnak a si caah Ekah pakhat ah sing 50 kan in pek hna lai an ti. Asinain lei ngeitu lei nih Chawlehnak kan tuah nak hmun siloin pawcawmnak hmun a si caah kan duh lo tiah an leh hna. Cozah lei nih nan duh zong duh lo zong ah kan tuah ding a si ko caah vawlei liam man tu hi i thim ulaw a tha deuh an ti hna.

Lo le lei ngei a si mi pu Ro Cung nih hi kong ah hin Vawlei man cu cozah nih Ekah pakhat ah ting 50 in kan in liamh hna lai an ti mi hi kan zum hna lo. Cun zeitik hmanh ah kan lei le lo hi Dam tuah nak ah kan pe hna lai lo. Laimi cu Pathian a zum mi kan si i Pathian nih a khan te ko lai. Pathian nih a khan lo le minung nih kan khan a hau te ko lai. Cun hi kan pawcawmnak lei le lo kong ah hin cun thisen chuah a herh ah cun a herh ning in kan cawlcang ve lai tiah CBN ah a chim.
Credit-CBN

Be the first to comment

Leave a Reply

Your email address will not be published.


*