Nat Soe Gyi pawl nih teirul cham ding minung 19 min le ralrin peknak ca an taar

The Hakha Times, June 9Hakha Khuathar ah Nat Soe Gyi min in teirul cham ding minung 19 an min cazin he ralrin peknak an taar.

An catar mi ah, sualnak ngeilo khuami, Cozah riantuantu pawl thihphaih, hrocer le harnak pek a tuahtu hna cu an nunhimnak siseh, an innlo siseh, tuanvo kan la lo. Cun, naam in siseh, meithal in siseh, bomb in siseh, an hman mi hriamnaam bantuk in Nat Soe Gyi lei nih kan lehrulh ve hna lai, tiah ralrin peknak ca an benh.

“Nat Soe Gyi ti min min in a si i aho cu an si lai lo. SAC ralkap an si lo hmanh ah anmah leitang minung an si ti cu a fiang tuk mi a si ko. Tih ding cu a si lo nain ralrin cu a tha,” tiah khuami pakhat nih The Hakha Times ah a chim.

Hi kong ah Hakha Campaign for Justice nih, tih ding le lau ding a si lo zia an facebook cahmai ah an rak langhter bal cang.

Tutan ah teirul cham ding tiah, min an tarlangh mi hna cu;1. Pu Zo Bawi (Pyidawtha) 2. Pu Hniar Uk (Dawrthar) 3. Pu Sui Thio (Dawrthar) 4. Pu Ngun Vung (Khuathar) 5. Pu Sonny Thang Cung (Pyidawtha) 6. Salai Ngun San Aung (Pyidawtha) 7. Salai Elishama (Dawrthar) 8. Dr. Biak Cung Lian (Pyidawtha) 9. Van Tin Lian (Dawrthar)10. Dr. Sharon Par (Pyidawtha) 11. Dawt Sui (Dawrthar) 12. Ngun Uk Thang (Khuathar) 13. Ant Min Nyo (Dawrthar) 14. Dimond Bawi Lian Cung (Dawrthar) 15. Za Cung Lian (Dawrthar)

  1. Andrew Za Chin Lian (Dawrthar) 17. Bawi Uk Thang (Dawrthar)18. Bawi Lian Hup @ Aa Hup (Khuathar)19. Hung Shing Mang (Khuathar) hna an si i midang zong kan langhter rih te lai, tiah ca an taar.Photo_CJ The Hakha Times

Be the first to comment

Leave a Reply

Your email address will not be published.


*