Nan thin zong hung ko seh. Indy ah Laimi sizung ah Oxygen pek in an um len tihi nan theih a herh.

Nizan ah leng ah Asia dawr pawng ah Chin mi Mask lo in ka hmuh mi (2) hna cu “Mask nan nei rua lo, kan thenh hna” tiah ka mawtaw chung i mask thar te ka pek hna. Pakhat cu a ni thluahmah, ka pekmi cu ai lak i, a zal ah ai senh. Ka tuar ti lo, ka kal hnawh than i, “Unau, ziah nai hruk ko lo” ka ti.

A ka zoh i a mirh thluahmah i ai hruk. Nihin ka hmuh thanmi um cun, Live in kan thlah hna lai. Nan thin zong hung ko seh. Indy ah Laimi sizung ah Oxygen pek in an um len tihi nan theih a herh. Cun, Indiana Positive case Chin miphun lak ah 20% hrawng um dawh kan si hih. A tuar khomi caah nan poi loh. Nain, derthawm mi le upa caah cun ttih a nung tuk. Mah zawn lawng i ruat hlah u sih.

El Paso, TX khua hi ~ Us ramri, khua zatceu cu Mexico ram asi, khua hrapcheu cu USA ram asi. Nai ah an thonginn ah Covid mithi an tam tuk caah tihin chiahnak tiang an tlum ti lo. An tom hna i truck ah an khumh ko hna.

Florida zong ah cei an thi. Athimi hna cazin dik tein a tialtu Data scientist pakhat cu an rian an phuah pin ah a inn ah police nih an luh hnawh i a computer le zeizong te an lak piak dih. US ah covid ruang ah athimi an rak tam tuk cang. Cozah nih an chim thlu loh.

Mask ihruk, leng chuak tuk hlah, inn chung ah sikhawh chung i erh. A positive mi, mi dang inn va leng len hlah.Nai te ah positive mi hna inn zong ah leng rih hlah.Credit-Salai Biak

Be the first to comment

Leave a Reply

Your email address will not be published.


*