Na vun a car lai i, na rawl khainak hafang kha an tlong dih te lai.

Na vun a car lai i, na rawl khainak hafang kha an tlong dih te lai. Na takvun a kor lai i na samfang an par te lai. Na ke a fek ti lai lo i na kut hi thil tlaihnak a si hmanh kha na hngal te lai lo.

Na duh tukmi rawl hmanh nangmah tein na ei kho te lai lo i, na mit cu muihnak nih a zelh te lai. Nangmah tein zun ek nai fim kho lai lo i na chuah kaa bantukin midang nih fimpiak le bawmh a herhmi na si te lai.

Ngakchia bantukin fak le conglomh kha na uar tuk te lai i ihkhun ah ih kha na caah a nuam bikmi a si te ko lai. A herh lo ah na thin a hung te lai i, a caan cun na hrinmi na fa le hmanh kha na hngal men te hna lai lo. Na chimmi bia fang kha second 30 ahcun na philh manh te lai i a herh lo ah na thin a hung in na puar hrang te ko lai.

Cuticun leidang tangah ciam na ser ve te ko lai. Na no lio i na sunlawinak le teinak na comi laksawng ṭha ṭha hna hi na tar hnu ahcun nai lawmhpi kho ti lai lo. Na no lio har le sa tukin na kawlmi chawva zong nai lawmhpi kho te lai lo. Ihkhun hi na caah na nun chung na umnak hmun a si kho ko.

Cucaah, i uahpi dingmi zeidah a um?Aho dah ai nek ngam?Ahodah ai zohchuk ngam?Ahodah zungzal in a no peng? Ahodah hawi hlei in vun ṭha pekmi a um?

Vanrang toi khua a sami vialte hi i tluk tein nunnak le thihnak pekmi kan si. Ahohmanh ai ti ngam le ai nek hmasa ngam ding kan um lo.

Tartlung kan phak hnu cun midang caah hna hnok men kan si te ko lai. Kan nunnak a dih hnu cun philh dih kan si ko lai. Cucaah vawlei ahhin aa uah ngam ding le mi a nek ngam ding kan si lo.

Minung thar kan sinak vanram ah laksawng kan conak dingah vawlei ah thlaici a tuhmi minung menmen kan si! Midang caah fahnak petu sinak tu ngol in no lio caan ah mah le mah i dawt tu kha a herhmi cu a si.
Credit-Nunu-NS

Be the first to comment

Leave a Reply

Your email address will not be published.


*