Na Mitthli I Hnawt Law Tho, A Ṭha Ko Lai

Fak tukin na thinlung a kuai tawn maw? Nai ruah lo ning tukin thil a kal tawn maw? Na tlamtlin lo ruangah hlawt na si bal maw? Theihthiamnak a bau ruangah lei rawi na si bal maw? Na pawngkam a ummi hna lawmhter naa timh ruangah velhle a thiam ti naa huah tawn maw? Nangmah le nangmah dawt naa timh caan ah a hakkau an in ti bal maw? Hi vialte ruangah fak tukin na ṭap bal maw?

Veimu ka hawi, a ṭha dih ko lai. Vawlei cung kan nunnak ahhin mi zei bantuk hmanh kan mah nunnak fak tukin tuarternak dingah dawt a phumi hohmanh kan um lo. Cucaah mi pakhat nih, na dawtmi nih fahnak an in pek tikah fak tukin tuarpiak hna hlah. Palhnak na tuah sual ruang i hlawt na si zongah fak tukin tuar hlah. Jesuh lawng lawng hi tuarpiak phu a si.

Na sining ah mi duh ningin nun nai zuam i na tuah khawh lomi cu i zahpi hlah. Mi vialte duhnak zulh i timh cu Pathian bantuk si i zuam he aa lo, a si kho lomi a si. Soiselnak, thangchiatnak, rem lonak, lei rawlnak hna hi na thluachuah an si te lai dakaw.

Na tling lo, ka hngalh ko. Chambaunak in na khat, ka hngalh ko, hawi duh zawng in na um kho zungzal lo ka hngalh ko. Asinain nun cawn timi a tlai bal lo. Nangmah na simi ruangah zeihmanh chirnak ngei hlah, thaizing khi a hmuh hmanh maw kan va hmuh khawh te.

A poi lo. In hlaw ko hna seh. A poi thlu lo, na thang in chiat ko hna seh! Nain a ṭha hrim hrim te ko lai. Nangmah nai hlawt lo, nai huat lo kha a biapi. Nunnak timi hi ai dinmi a si lo. Nangmah te lawng na dir khawh bakin midang caah na dir kho cang lai. Cucaah na tha chia peng hlah. A ṭha hrim hrim te ko lai.Credit-Nunu -NS

Be the first to comment

Leave a Reply

Your email address will not be published.


*