Na fapa cu rawl dawr pakhat khat ah rawl ei na sawm lai. Pa le nih tuah ah a ṭha deuh. Khah!ka fa,tulio cu na ton mi hi tuar a har ngai ngai ti ka theih.

Strong-willed child part-2 nak!A hlan ah chimh a rak ngai mi le, sianginn ah a mark hna rak ṭha ngai mi na fa cu, a mark hna chia cang i na bia zong a ngeih ti lo, bia na chim zong ah inn khan hna an luh tak i, inn-kaa hna an tengh kanh ti bantuk in a um cang ah cun tleirawl lung put a keng cang ti kha na theih a hau lai. Asinain, tleirawl a si ruang ah nu le pa upat lo ding tihi cu suallam a ngei lo mi asi i co hlan awk a si hrim hrim loh. Mah bantuk lio caan ah na cawn piak lo ah cun a caan luan a fawi ngai ngai.

Kum-13,14 an van si in, tleirawl lei ah an pum sining zong a van i thleng i an lung zong a puam chin lengmang lio te asi. Nu le pa cabuai ah rawl an ei i nu le pa inn cung cih tang ah khua an sa ko nain, nu le pa upat nak timi kha kal tak an i tim tawn. Hi lio ah a cang tawn mi an zia cu, chonh zong ah ka thei loh! Ka chawn hlah! I don’t care! ti bantuk in mi leh an hman bik lio caan asi. Hi bantuk lio caan ah zei tin dah na cawn piak lai ti ah cun ruah nak tlawmpal kan cheuh hna lai.

Na fapa cu rawl dawr pakhat khat ah rawl ei na sawm lai. Pa le nih tuah ah a ṭha deuh.
Khah! ka fa, tulio cu na ton mi hi tuar a har ngai ngai ti ka theih. Na nu le na pa kan ca zong ah a har ngai mi asi ve. Kan inn chungkhar ah pakhat le khat i theih thiam lo nak le i hmuh thiam lo nak in a khat. Asinain, a ṭhat nak in mer khawh nak lam a um ko. Tulio na ton mi hi, na chuah kaa in na ton te ding kan rak hngalh cia mi asi. Mah hi hngakchia na si nak a dongh i puitling si nak ah luh hram nai thawk lio caan asi. Mah lio te hi a har tuk, zei ca ti ah cun zei thil hmanh hi a fawi mi a um lo caah asi. Nun zong hi a fawi lo i ṭhan zong hi a fawi lo caah asi.

Nangmah nih cun zei poh nangmah nawl in tuah dih na duh. Freedom hi a full in pek na duh. Asinain, nang cu nu le pa nih zei poh tuah piak hau rih mi na si i nang na duh mi hi cu kum-20 minung caah asi. Hi na duh mi independent vial te hi cu na hmai lei ah a ra cuahmah lio asi. Nangmah duh nak ah sianginn kai, nangmah duh mi rianṭuan, nangmah duh mi ṭhitvat te hna zong an ra cuah mah lio asi. Cucu kumkhat hnu kumkhat in kan in pek chin lengmang lai. Nikum nak in tukum ah na freedom deuh bantuk in tukum nak in hmaikum ah na freedom thluahmah rih lai.

Asinain, full freedom cu na ngah rih lo caah na nu le pa nih, NO! ti a herh nak ah NO! ti nak nawk kan in ngeih mi na si hi nai theih a hau lai. Nang na rian cu, nu le pa Upat kha asi awk si lai. Hihi Bawipa nih nawl a kan pek mi zong asi i phung ning zong asi. Mah ti kan in cawn piak mi kan bia na ngeih lo ah cun, na puitlin tik ah nangmah nih na tuar lawng si loin na tefa nih an tuar te lai. Cu tik ah kan cung ah na ngeih a chia te lai. Pathian zong nih kan mah zong dan a kan tat lai. Cucu kan Bible, Samuel ca-uk chung ah, tlangbawi Eli le a fapa pahnih hna tuanbia ah fiang tein kan hmuh mi asi. Eli fapa hna chimh an ngeih lo ruang ah an thih dan le a fapa le a cawn piak khawh hna lo ruang ah Eli a thih nak kong na chimh fian lai

Hi kan chimh mi hi, ka ngan cang caah a ka vua kho lai lo ti in zei rel loin um duh hlah. Vuak hau loin hrem dan a phun phun ka thiam. Cu ti kan hrem khawh nak ding ah cun a lam phun phun ka kawl fawn lai. Ka huam ci tuk zong a si fawn. Cu tik ah a celh lo te ding mi cu nangmah kha na si te lai. Cucaah cun, tu lio tein lam fawi mi te nai thim ah hin na caah a ṭha deuh lai. Cu lam cu, chimh ngeih le nu le pa upat pek kha asi. Cun, zei tik poh ah na caah na nu le na pa hi ready kan si peng i kan in dirkamh zungzal ti kha philh hlah. Kan in dawt tuk fawn. Nang teh chim duh mi na ka nei maw, tiah na ti lai. Lungkhong tuk mi fa nih cun zei rel loin an um hnawh kho men. Asinain, a lung chung ah thlaici cu a tuh hrim hrim ko lai.

Ka chim lengmang bang in, fa cawn piak timi hi, mi ralchia caah cun a si ruam loh. Cheukhat nu le pa cu fa dawt an thiam tawn lo caah, fale nih nam in sawh an ton hmanh ah, an ngeih thiam hna i, an inn ah an um ter tho tho hna. Mah bantuk hi a si awk a si hrim hrim lo. Kha bantuk fa na ngeih ah cun inn in ṭhawl ding kha zei tik hmanh vai i thlachiat hrim hrim hlah. Dawt nak a ngei tuk mi kan Pathian hmanh nih hin, kan sual ning bang in bia a kan ceih lai ti kha philh hlah. Dawt nak le control nak timi hi aa ruang tein an kal ṭi zungzal a hau ti kha philh lo a hau.

An no lio ah lamping an pial sual lo ding hi a biapi tuk. An pial sual ah cun sual nak man cu thih nak a si tihi ral ṭha tein cawn piak hna uh. Samson zong kha, Bawipa nawl a ngeih lo caah, a mit kuak an khoih i, sal ah an tleih. A sual nak aa ngai chih i Bawipa nih ṭhawn nak a pek ṭhan ko nain, amit a sung thai i sal dir hmun in a ral hna he a thi ṭi. Cucaah cun, lamping ah na fa a pial ah cun aa ngeih chih tik zong ah sual nak man a ing tho tho ding asi caah a pial hlan ah Pathian bia in a no lio ten chun zaan in ronh hna. Pathian bia lawng lawng hi minung a remh kho tu tak tak cu asi.The new strong-willed child by Dr.James Dobson.

Note: A ṭial tu hi a conservative bak mi asi caah tulio psychologists cawn piak nak he cun aa ral kah mi a tam ngai. Nain, keicu mah hi ka duh bik mi ca-uk asi. Tawi tein aa tlak ning in ka van leh mi asi. Laaknak.Awsome -MUMMY

Be the first to comment

Leave a Reply

Your email address will not be published.


*