Na chawnh lawngah an chawnh i,na chawnh lo paohah an chawn ve lo.cubatuk Minung cu an kom taktak tu an si rih lo.

Na chawnh lawngah an chawnh i,na chawnh lo paohah an chawn ve lo.cubatuk Minung cu an kom taktak tu an si rih lo.

Na tthat lio lawngah’an daw i Na palhnak zongah,an daw lomi cu,an daw tak tu an si rih lo.Na chawnh lo zongah an chawn i,na palh ko zongah an daw tthiamtthiam mi Minung khi,a Thinlung takin,an daw tu Minung an si.

Na Hawikom chung ah khan,hodah an tlaihchan tak tu a si ti ahcun.Chawnh loin an um tu,na thawngpang an hlet lem lomi cu, thinlung tak tein,an kom tu(an dawtu)an si lo.

Zei ruangah dah na ka chawnh lo,na uah bak si tiah,a thin an hun hnawh tu,sik nak an kawl tu khi,a Thinlung takin an dawtu,an komtu an si.A caan ahcun, Hawikom ttha ah kan ruahmi hna khi,kan lung a kan fah tertu an si tawn.

Hawikom taktak nihcun,kan lungfahnak an tuah lo. Minung kan si caah,i siknak a um,bia i al caan a um. Lung i hmuhthiam lo caan a um ko nain, Hawikom ttha nihcun kan lungfahnak maw?kan mitthli tlaknak dek,bia an chim sualĀ  le thinhunnak kan cungah an tuahmi um sual ahcun, ngaithiam hal tthan an hmang,Khi bantuk khi,daw tu taktak Hawikom ttha an si.

Cu lo i,i komh ko i; chikkhat thinhunnak a um, voikhat te bia van i al sual i,a kan huatu,a kan hrial thai tu Minung khi, Hawikom ttha an si bal lo pinah, Hawikom ttha taktak an tong ve lai lo.

Hawikom  ttha timi cu, U le nau bantukin i dawt khi a si, Ule nau cu lawmhnak lawng si loin, ngaihchiat nak harnak aa hrawmmi an si.

Cucaah Ule nau bantukin aa kom mi hawi ttha cu, ngaihchiat caan,harnak caan zongah i tuarpi,i hrawm khi a si.Hawikom ttha taktak,neih duhmi nihcun.Hawikom ttha taktak si ve i zuam kan herh.

Na duhnak an in zulh khawhnak hnga,an duhnak zulh i zuam ve .Hawikom ttha si i zuam u sih.Credit-Dingdi Par Page

Be the first to comment

Leave a Reply

Your email address will not be published.


*