Myitgyina ah Myanmar ralkap le palik nih lamzawhtu mino 2 an kah hna hnu ah KIA nih Myanmar ralkap sakhaan pakhat an rak luh hnawh

Kachin ah KIA le Myanmar Ralkap Kahdohnak a Fah Chin caah Khuami 200 Hrawng Ralzam Dirhmun in an Um

Myitgyina ah Myanmar ralkap le palik nih lamzawhtu mino 2 an kah hna hnu ah KIA nih Myanmar ralkap sakhaan pakhat an rak luh hnawh i, cu caan thawk cun kap hnih karlak kahdohnak a hun fak chin thluahmah.

N’Jayan khua ah a chuakmi kahdohnak ruang ah khuami 200 hrawng nih an innlo an chuahtak i ralzam dirhmun in an um hna.

KIA le Myanmar ralkap abikin an i kahnak hmun hi Myitsone cunglei Kwetaung khuate le Tanbaungyan khuate kiangkap ah hin a si i, nizan March 15 thawk in atu tiang an i kap.

Innlo a chuahtakmi ralzam pawl ca ah Word Food Program (WFP) nih tirawl lei in bawmhnak pek ding in timhtuahnak a ngei.Credit-The Chin Journal March 16, Yangon(Myanmar Now)

Adang relchap:Mipi aw hmanh a thei lomi ralhrang hna nih democracy timi mipi sin in a rami uk hruainak cu zeitindah an tuah hnga? An chimmi democracy cu chim awk a um ti lo.

Mah le miphun minung cia thah a hmangmi hna cu ralhrang taktak an si ko. Vawlei cungah min a chia bakmi, mi tam pi a that tu pa hmanh nih a miphun thah a siang hna lo. Heh a lem hmasa hna. Dinnak an tanh ruangah dinnak lei in an dir peng caah thah an si. Miphun dang tiah a ruatmi hna tu tam tuk a thah hna.

Mah mipa nak in a tu kawl ralhrang hi an sual deuh. Ziah ti ahcun amah miphun lo zong a thah hna. AMah miphun cia lila zong a thah len hna.Credit-Thawng Za Pum

Be the first to comment

Leave a Reply

Your email address will not be published.


*