Myanmar Rammi hna Bawmhnak Pek ding in Aung La nih US President a Hal

Rialdip uktu ralkap nih Myanmar rammi pawl ruru hranghrang in an tuahtomi hna kong he pehtlai in US President Joe Biden nih Myanmar ralkap hi chawnbia kho sehlaw Myanmar rammi hna ca ah bawmhnak nganpi pakhat a si lai, tiah One Championship Light Heavyweight Champion Aung La nih a chim.

Cu pin ah Myanmar ramchung Media rianttuannak phihkham an tong, online zong in zalong tein cattial khawh a si lo, inn tiang ah ralkap nih an kal hnawh hna i an tlaih hna. Cucaah, President Biden nih Myanmar ralkap hi kan chawnbiakpiak kho sehlaw Myanmar rammi zapi kan i lawm tuk hnga, taih Aung La nih a langhter chap.The Chin Journal April 22, Yangon

US ah Za Uk Lian nih Minung Pakhat Meithal in a Kah Hnu ah aa That Ve .US ram Pennsylvania State ah Laimi Za Uk Lian (kum 45) nih minung pahnih meithal in a kah hna i minung pakhat a nunnak a liam, tiah thawng kan theih.

Lehigh County ah a ummi Store pakhat ah Za Uk Lian cu motor in a kal i, highway lamcung ah a kalmi motor pakhat cu voi tampi meithal in a kah. Motor a mongtu nu meithal kuan nih a khen lo caah nunhim in a um.

Cun, Jeep motor chung ah a ummi pa cu Za Uk Lian nih a kah ve i hliam a pu.

Store ah rian a ttuanmi minung pakhat nih, “Meithal in kah a tongmi pa cu a motor chung in a chuak i bawmh hal in a au len,” tiah a chim.

Cu dih cun datsi a rawngmi Truck motor mongtu pa cu Za Uk Lian nih a kah tthan i cu pa cu a nunnak a liam.

A nunnak a liammi pa hi Ramon Ramirez (kum 31) tiah theihmi a si. Za Uk Lian cu a kee in a zaam i amah tein meithal in aa kap ve.

Za Uk Lian hi South Whitehall Township ah a ummi a si i, zei ruang ah dah atu bantuk in thahnawnnak a tuah, timi fiang in theih a si lo. The Chin Journal April 22, Yangon
(WGAL)

Be the first to comment

Leave a Reply

Your email address will not be published.


*