Tlaih a tongmi PDF 2 cu kum 12 le 13 hrawngte lawng an si rih.

Taze, Myinmu Le Khin U Kahdohnak Ah PDF Ralkap 4 An Nunnak Liam

Sagaing ramṭhen, Taze peng Tayethka khua pawng Myohtin sianginn ah umhmun a khuarmi SAC ralkap pawl cu, PDF nih February 27 zing suimilam 7:30AM ah kan va kah hna, tiah an langhter.

“Taze peng in a luancia ni 3 lioah a rami SAC ralkap le PDF kar kahdohnak a chuak i, hriamngan thawng le hriamhme cu pehtlai in a thang ko. Khuami cu kan zaam dih,” tiah khuami pakhat nih a chim.

• 

Cu pin ah February ni 26 zinglei ah Ayardaw peng ah rallam a sialmi SAC ralkap 80 hrawng nih, Myinmu peng Kandaw khua pawng ah PDF 2 an tlaih hna i Zero Guerrilla phu, caan karlak an sakhan lei ah rallam an sial caah bomb in an puahhnawh hna, tiah theih a si.

“Tlaih a tongmi PDF 2 cu kum 12 le 13 hrawngte lawng an si rih. Kan sakhan a umnak cu an hal hna i lam hmuhsaktu ah an kalpi hna hnu ah zohchia tuk in an hngawng an tan hna i, phungki sianginn he an khangh chih hna. A dang phungki sianginn 2 zong SAC ralkap nih an khangh,” tiah Zero Guerrilla Battalion 7 in ṭuanvo ngeitu nih a chim.

Cu kahdohnak ah SAC ralkap 17 an thi i Captain pakhat a ke ah hliamhma a pu.

Mokyu phu PDF 2 nih an nunnak an pek ve. SAC ralkap nih Zero Guerrilla sakhan an khangh caah kyats sing 100 hrawng man meiseh telh in sing 200 man hrawng a ciam, tiah theih a si.

Sagaing ramṭhen, Khin U peng ah February ni 27 zinglei ah Myindaung khua ah umhmun a khuarmi SAC ralkap 100 hrawng cu Ye U-Khin U lamthluan ah thilri chantu motor 3 in an kal lioah Tayetpin khua pawng Magyi khuami ralvengtu PDF ralkap 2 an hmuh hna i an thah hna, tiah theih a si.The Chin Post