Thawngpang tha tuk si.SAC Nih Kum 28 Chung An Laakmi Sakhan KNU Nih An Laak Ṭhan, SAC Ralkap 16 An Thih Pin Ah Hriamthil Tamlak An Sung

Kum 28 Chung An Laakmi Sakhan KNU Nih An Laak Ṭhan, SAC Ralkap 16 An Thih Pin Ah Hriamthil Tamlak An Sung

Karen ramkulh, Thailand- Myanmar ramri Thanlwin tiva kam ah SAC ralkap nih kum 28 chung an laak i a umnak Mekahta(မယ်ခါထာ) sakhan cu KNU brigade 5 nih kan laak khawh tiah fehternak he thawngthanhnak an tuah.

March ni 28, zinglei suimilam 5:00AM ah SAC nih ṭha tein hram an bunhnak Mekahta(မယ်ခါထာ) sakhan cu minutes 45 chung kaphnih kar kahdohnak a chuah hnu ah kan laak khawh. Kahdohnak ah SAC ralkap 16 an thi, 7 nih hliamhma an tuar, hliamhma tuarmi hna chung in 5 hi Thailand ram lei ah an thlopbul hna, meithal 23 kan laak khawh tiah KNU brigade 5 nih a thanh.

Sakhan kan laak ṭhan khawh hnu ah SAC ralkap an hriamthil MA-1, MA-2, MA-4, RPG-7, 60mm, Sniper telh in meithal 23 le kuanfang zun 3,360, walkie talkie lung 2, phone lung 2, ralkap bawngbi zun 2 kan laak tiah an thanhmi ah cun an langhter.

Kaphnih kar i kahdohnak chung ah tualchung hriamtlai Karen National Liberation Army (KNLA) le Force for Federal Democracy (FFD) phufonh in ralkap pakhat a nunnak a liam, 8 nih hliamhma an tuar tiah theih a si.

Mehkahta sakhan hi, cu hlan ah cun KNLA battalion 20 nih hram an rak bunhnak sakhan a rak si. 1995 kum ah SAC ralkap nih thazaang tam ngai in an rak kahdoh i an rak laakmi KNLA sakhan hlun a si.The Chin

Be the first to comment

Leave a Reply

Your email address will not be published.


*