Tatmah 101 In SAC Ralkap Check Gate Hriamngan In Kah An Tong, A Thi Mi An Um

Tatmah 101 In SAC Ralkap Check Gate Hriamngan In Kah An Tong, A Thi Mi An Um

Magway ramṭhen Myaing nitlaklei Kosaung check gate hngak Pakokko ṭatmah 101 in SAC ralkap hna cu 60mm le 100mm hriamngan in kan kahdoh hna tiah People’s Defence Force Mait Khe(မိုက်ခဲ) (M.Y.G) phu nih an chim.

Gate hngaktu Pakokko ṭatmah 202 in SAC ralkap 10 hrawng nih lampi aa chokmi tualchung mi hna cu chekhlatnak an tuah lengmang hna caah March ni 4, zanlei suimilam 5:00PM luan ah hriamngan in voi 20 leng kan kah hna , SAC ralkap 2 an thi tiah People’s Defence Force Mait Khe(မိုက်ခဲ) (M.Y.G) in hruaitu Bu Mait Gan nih a chim.

SAC ralkap gate kah an ton hnu ah khuachung lei in mizaw phur leilawng a ra i a thimi ruak cu a kalpi hna tiah a chim chap.

SAC ralkap hna cu People’s Defence Force Mait Khe(မိုက်ခဲ) (M.Y.G) le Tanmani Laitpyia(သံမဏိလိပ်ပြာ) hriamngan tlaitu phufonh nih an kahdoh hna.Myaelatt Athan