SAC ralkap le pyusawhti nih, Innpat khua chung ah 60mm hriamngan in an kah caah kum 60 leng pitar pakhat le kum 30 tluk pakhat hliamhma an pu,

SAC Ralkap Nih Indaw Le Khin U Peng Khuate Ah Hriamngan An Kah Ruang Ah Tualchung Mi 6 Hliamhma An Pu

Sagaing ramṭhen, Indaw peng khuate cu SAC ralkap nih hriamngan in an kah caah tualchung mi 4 hliamhma an pu, tiah Indaw Revolution-IR phu sin in theih a si.

February ni 21 zing suimilam 11:00AM hrawng ah Indaw khua thlanglei Yaikhka tlangpar ah umhmun a khuarmi SAC ralkap nih, hriamngan in an kah caah Moeyu le Kyaw khua ah hriamngan kuan a tla, tiah theih a si.

SAC Hriamngan kuan in Kyaw khuami pitar kum 78 pakhat, kum 24 tluk le kum 30 tluk pa pahnih le Moeyu khuami kum 40 tluk nu pakhat hna cu an ke, an keng, an lu le an or ah hliamhma an pu. Moeyu khua inn pakhat le Kyaw khua inn 3 zong an rawk, tiah theih a si.

Cu ṭhiamṭhiam in February ni 21 zan suimilam 8:00PM hrawng ah Khin U peng Innpatkuaih ah umhmun a khuarmi SAC ralkap le pyusawhti nih, Innpat khua chung ah 60mm hriamngan in an kah caah kum 60 leng pitar pakhat le kum 30 tluk pakhat hliamhma an pu, tiah Khin U Specialforce Organization KSO phu sin in theih a si.The Chin Post