Phaisa kuat/chuahnak ah rian a ṭuanmi cazi nu pakhat le leilawng khaltu cu bank ah phaisa an chuah khawh hnu

Yangon Khualai Ah Phaisa Sing 3,000 Chuhnak A Cang.Yangon ramṭhen, Kyauktada peng Saitkanta(ဆိပ်ကမ်းသာ) lam le Mahar Bandula(မဟာဗန္ဓုလ) lam sir ah nihin February ni 24 zinglei, bank ah phaisa chuahtu hna cu leilawng in an kir lei ah mibu phu khat nih phaisa an chuh hna tiah theih a si.

Nihin February ni 24, zinglei suimilam 10:30PM hrawng ah Yoneshin(ယုံရှင်း) phaisa kuat/chuahnak ah rian a ṭuanmi 2 cu Sakura tower pawng um CB bank ah phaisa an chuah hnu an kir lei ah aho theih lomi pa 5 nih leilawng cu dirter in nam he an hmauhchih hna hnu ah phaisa an chuh hna tiah theih a si.

“Phaisa kuat/chuahnak ah rian a ṭuanmi cazi nu pakhat le leilawng khaltu cu bank ah phaisa an chuah khawh hnu an kirlei lampi ah minung 5 nih leilawng cu dirter in an kai hnawh hna. Nam in an hmuah hna hnu ah phaisa tom cu an chuh hna i a dang leilawng ah an chiah, cu thil a can lio hi lampi ah aa chokletmi tampi an um” tiah palik phu hna he naihniam in a ummi pakhat nih a chim.

An chuhmi phaisa hi Yoneshin(ယုံရှင်းငွေလွှဲ) phaisa kuat/chuahnak phaisa a si i, sing 3,000 cu aho theih lomi minung 5 nih an chuh hna hi a si.

Cu thil a cannak Mahar Bandula lam cu SAC ralkap le palik phu hna nih security tampi an laaknak hmunhma a si tiah theih a si.Ayeyarwaddy_Times The Chin Post

Be the first to comment

Leave a Reply

Your email address will not be published.


*