PDF ralkap Thi Ha, Saw Phyu Lay le Htet Nay Win cu Myawaddy lei an kal lioah Thailand palik le ralkap nih an tlaih hna i,

Lion Battalion In PDF Ralkap 3 Cu Thanland Ah An I Thlopbul Lioah Nawlngeitu Nih An Tlaih Hna. Kahdohnak ah hliamhma a pumi Lion Battalion in ralkap 3 cu Thailand ram, Mesauk ah thlopbulnak an i tuah lioah Thailand nawlngeitu hna nih an tlaih hna i, ramri hngak Border Guard Forces (BGF) sin ah an ap hna. PDF ralkap 1 cu a nunnak a liam i, 2 cu SAC ralkap sin ah an kuat hna, tiah theih a si.

PDF ralkap Thi Ha, Saw Phyu Lay le Htet Nay Win cu Myawaddy lei an kal lioah Thailand palik le ralkap nih an tlaih hna i, Thailand milutchuak zung ah an hren hna hnu ah BGF sin ah an kuat hna. BGF sin an kuat hna lioah PDF ralkap 3 cu ti chung ah an zuang i an kah hna caah ralkap Saw Phyu Lay cu a nunnak a liam, a dang 2 cu hliamhma an pu i, SAC ralkap sin ah an kuat hna, tiah theih a si.

“Kan ralkap 3 hna lak ah pakhat cu Thailand palik le ralkap nih an kah hna caah 1 cu a ṭang ah an khen i a nunnak a liam a dang 2 cu SAC ralkap Mojor Naing Maung Zaw sin ah an ap hna,” tiah Lion Battalion Column in ralkap pakhat nih a chim.The Chin Post