PDF Cawlcanghnak Vialte SAC Ralkap Sinah A Phuangtu Deputy Sergeant Hlun Than Naing Thah A Tong

PDF Cawlcanghnak Vialte SAC Ralkap Sinah A Phuangtu Deputy Sergeant Hlun Than Naing Thah A Tong

Sagaing ramṭhen, Monywa Myothit sang um SAC Deputy Sergeant hlun Than Naing cu, SAC ralkap riahcaw bawmchantu a si pin ah PDF an cawlcangh ning le an umkal ning vialte ralkap sin ah thawng a pek hna caah kan thah, tiah Bandula PDF in ṭuanvo ngeitu nih a chim.

February ni 27 chun suimilam 12:40PM hrawng ah Monywa khuachung hmun pakhat ah kan tlaih i meithal zun 2 in kan thah. A sin ah NRC, 9mm kuan 2, kutcheh bomb lung 1 le phone lung 1 khat zong an laak, tiah theih a si.

“Meithal kuan 2 in kan va fimhlawm hnu ah ralkap nih Than Naing a ruak cu an la lo. A chungkhar tu Nah Mah Khah sakhan ah an kalpi hmasa hna,” tiah hruaitu nih cun a chim.

Deputy Sergeant hlun Than Naing cu Nah Mah Khah sakhan ah SAC ralkap riahcaw a kuat hna pin ah PDF cawlcanghnak vialte thawng a pek hna caah Bandula PDF 1, Brave Heart Army-BHA le Special Forces- 11 PDF hna i bawm in an kah hna, tiah theih a si.The Chin Post