NUG Acting President Duwa Lashi La nih amah pumpak page ah lawmhnak bia a chim!

NUG Acting President Nih Chinlung Chuak Artist Cungah Lawmhnak Bia A Chim

Chinlung Chuak Artist nih an cover mi We Are The World hla cu a zohtu an tam chin lengmang pinah Myanmar buainak kong vawleipi theih in langhter pakhat a si caah NUG Acting President Duwa Lashi La nih amah pumpak page ah lawmhnak bia a chim!

Acting President nih cun “Hlasatu hna an thiam i an sakning a that hlei ah hla thoknak ah khuapau dohthlennak le Myanmar mipi hna intuarnak kong biatawi an chimmi nih ramkip in a zohtu hna lungthin Myanmar mipi hna zawnruah siaherhnak a ngeihter hna” tiah a tial!

Cu lawng si loin khuapau dohthlennak ah mino hna nih a lamkip in cawlcangh cio a biapitnak le hmailei zongah khuapau dohthlennak he aa pehtlai mi thilthar tete tuah a herhnak kong zong a tial fawn!The Chin Post