Nithum Chung Kahdohnak Ah Ralhrang 29 An Thi, Minung 6 A Nung Inn An Tlaih Hna

Nithum Chung Kahdohnak Ah Ralhrang 29 An Thi, Minung 6 A Nung Inn An Tlaih Hna

Karenni ramṭhen Kuyin(ကုရင်ကျေးရွာ) khua pawng ii ralhrial pawl umnak lei ah Vaute 11 ah a rak kaimi SAC ralhrang hna cu KNDF Battalion(03), KNDF Battalion (02) le Phekhung Battalion (02) hna ii fonh in nithum chung an kah hna. Ni thum chung kahdohnak ah ralhrang lei in 29 an thi ii a nung in 6 an tlaih hna. Mipi ralkap a simi KNDF B (03) in ralkap 2 le Phekhung mipi ralkap chungin ralkap pakhat nih ram le miphun caah an nunnak an pek tiah KNDF dirkamh phu nih a thanh.

Ralhrial camp chung ummi minung 8 cu SAC ralhrang hna nih an tlaih hna ii ralphaw ah an hman hna tiah theih a si. Tlaih a tongmi minung 8 chungah minung 5 cu an thlah ṭhan hna ii minung 3 (Tar 2 le tangsarih kai lio pakhat) cu mei in an khangh hna tiah theih a si.

Nithum chung kahdohnak ah MA-3 (2), MA-2 (1), MA-1 (1), Sniper (1), 60 MM (2), RPG (2) leng ah a dang hriamnam zong tampi an lak khawh tiah theih a si.CCN