Myinmu Ah SAC Ralkap le PDF Tantiphu Kar Kahdohnak A Chuak I SAC Ralkap 17 An Thi,PDF Lei In 2 An Nunnak A Liam

Myinmu Ah SAC Ralkap le PDF Tantiphu Kar Kahdohnak A Chuak I SAC Ralkap 17 An Thi,PDF Lei In 2 An Nunnak A Liam

Sagaing ramthen,Myinmu peng ah SAC ralkap le PDF tantiphu kar kahdohnak a chuak i SAC ralkap lei 17 an thi i PDF phu lei 2 an nunnak a liam tiah Myingyan peng Zero Guerrilla Force i tuanvo ngeitu pakhat nih a chim.

Nizaan February 26 zing sml 9 hrawng ah Myinmu peng,Kantaw khua pawng ah SAC ralkap thazaang 80 hrawng in hngakchia 2 cu an tlaih hna i Zero Guerrilla Force i ယာယီ sakhaan umnak hmun ah rallam an rak sial.Cu SAC rallamsial ralkap cu mipi vengtu phu nih bomb pawl,hriamngan le hriamhme hmang in an doh hna i zaan sml 7 tiang kahdohnak a fak tiah theih a si.

“An tlaih mi hna hngakchia 2 cu sakhaan umnak hmun an piah ter hna.Sakhaan an phak ah cu hngakchia 2 cu an lu tan in an thah hna.Cu hngakchia 2 cu kum 12/13 hrawng lawng an si rih.Sakhaan zong mei an khangh i an tlaihmi hna PDF ralkap 2 zong Kantaw phungki umnak inn ah an lu tan in an thah hna i phungki umnak inn 2 zong mei an khangh” tiah Zero Guerrilla Force battalion-7 i tuanvo ngeitu pakhat nih a chim.

Cu kahdohnak ah cun SAC ralkap lei 17 an thi i ralbawi pakhat a ke ah hliam a hmu.Sataung Moegyo phu i PDF ralkap 2 an nunnak a liam i SAC ralkap nih sakhaan cu mei khangh ruang ah Zero Guerrilla Force i ယာယီ sakhaan i ting 100 man tluk a si mi generator pakhat telh in ting 200 hrawng an sung tiah theih a si.

Cu SAC ralkap dohnak ah Zero Guerrilla Force(Myingyan peng battalion-7),Myingyan peng battalion-2,Kyaukse battalion-1,Sagaing peng battalion-2,Sataung Moegyo local hraimngan phu le local PDF (LDF) pawl i fonh in an doh hna tiah theih a si.(Crd.Khit Thit Media)CBN