Myaing peng Kyawngkone khua in SAC ralkap 50 hrawng cu Kanni khua um ralkap 60 hrawng nih an don hna.

Myaing Peng Ah Riahcaw Phurtu SAC Ralkap Le Pyusawhti Kah An Ton Caah 6 An Thi, Hriamnam Le Zen-kuan An Chuh Hna

Magway ramṭhen, Myaing peng ah riahcaw phurtu SAC ralkap le pyusawhti cu March ni 4 ah kah an ton caah 6 nak tlawm lo an thi, tiah Myaing Villages Revolution Front – MVRF in ṭuanvo ngeitu nih a chim.

“Myaing peng Kyawngkone khua in SAC ralkap 50 hrawng cu Kanni khua um ralkap 60 hrawng nih an don hna. Cu lioah kan kah hna caah 6 an thi,” tiah Myaing Villages Revolution Front – MVRF in ṭuanvo ngeitu nih a chim.

Cu kahdohnak ah kaphnih kar kahdohnak a zual ngai i karceh in kan i kap. Kanmah lei in a thimi le aa hliammi kan um hraw lo. SAC ralkap an hriamnam le zen-kuan cheukhat zong kan chuh hna, tiah a chim chap.

Cu kahdohnak ah Pakokku pengkomh No.6 Battalion, No. 2 Battalion le No. 7 Battalion hna i bawm in an kah hna, tiah theih a si.The Chin Post