Maymon Khua A Khangtu SAC Ralkap Kah An Ton Caah 3 An Thi, An Ruak Helicopter In An Char Hna

Maymon Khua A Khangtu SAC Ralkap Kah An Ton Caah 3 An Thi, An Ruak Helicopter In An Char Hna

Sagaing ramṭhen, Kanbalu peng Maymon khua a khangtu SAC ralkap cu PDF nih kan kah hna caah officer 2 telh in ralkap 3 an thi, tiah Kanbalu peng PDF ralkap pakhat nih a chim.

February ni 19 ah Kanbalu peng Maymon khua a khangtu SAC ralkap 120 cu rallam an sial lioah Kanbalu PDF nih an kah hna caah ralkap 3 an thi, tiah theih a si.

“SAC ralkap pawl nih February ni 18 ah Maymon khua inn khat an khangh i, a thaizing ah inn 200 leng an khangh chap caah kan kulh hna i kaphnih kar kahdohnak a chuak. Monywa Nah Mah Khah in SAC Helicopter pakhat nih officer 2 ruak cu a rak laak hna. A dang ralkap ruak 1 tu cu mei in an khangh,” tiah PDF ralkap pakhat nih a chim.

Cu kahdohnak ah Kanbalu peng Teymin Taman phu le Linyung Mayok Guerrilla phu telh in ṭangṭi phu hna i bawm in an kah hna, tiah theih a si.The Chin Post