Maw Vawlei A Darling Hlun A Thah I Cycle A Zampi

Kyainseikgyi khua ah a darling hlun thah in cycle a zampi mi pa cu an tlaih khawh tiah theih a si.

Vaute 13 zanlei suimilam 4:00 hrawng ah Kyainseikgyi khua, Payathonzu (ဘုရားသုံးဆူ), Kyantaw khua Khaihriatdum(ရော်ဘာခြံ) pakhat chung ah nu pakhat cu hliamhma he a thih an hmuh.

A thimi hi Kyantaw khuami Khine Thazin Htwe (kum 18) a si i Vaute 12 zinglei ah cycle in a chuak i a rak kir ti lo caah an kawl i atu bantuk in an hmuh hi a si. A ruak an hmuh ahhin a cycle zong a um ti lo tiah theih a si.

Mi thattu an hlathlai tik ah Khine Thazin Htwe i a darling hlun a si i tawlreltu hna nih an tlaih khawh cang tiah theih a si.CCN crd- Popular News Journal