Kachin ramkulh Hpakant ah aa dormi Tantsi khuami NLD party chungtel nu pakhat cu SAC ralkap nih a ruang um loin an tlaih

SAC Ralkap Nih A Ruang Um Loin NLD Party Chungtel Nu Pakhat Hpakant Ah An Tlaih

Kachin ramkulh Hpakant ah aa dormi Tantsi khuami NLD party chungtel nu pakhat cu SAC ralkap nih a ruang um loin an tlaih tiah kan theih.

Tantsi khuami NLD party chungtel Daw Ma Ma Aye cu SAC ralkap nih Hpakant peng, Hpapyin khua ah March ni 6 zan ah an tlaih tiah theih a si.

Daw Ma Ma Aye an tlaihnak kong he pehtlai in Dalan nih a dik lo ning in SAC ralkap sin ah thawng an pek ruang ah a si ko lai tiah tualchung mi pakhat nih a chim.

Daw Ma Ma Aye (Kum 40) cu ni 5 a rauh hnu tiang zong ah pehtlaih khawh a si ti lo caah a nunnak ca thinphang ngai a si ko tiah Hpakant hrambunh dohthlennak tuahmi phun hna nih cun an chim.

SAC ralkap nih hramhram in uknak an laak thawk in January ni 5 tiang ah phung ning loin an tlaihmi hna hi 12670 an si i 3758 an thlah ṭhan hna, 9812 a taang rihmi chung ah Hluttaw palai 8 an i tel leng ah NLD party chungtel 1232 an i tel tiah theih a si. A ruang um loin an thahmi hna hi 3346 an si i, cu chung ah Hluttaw palai 2 zong an i tel i NLD party chungtel 84 zong an i tel tiah NLD Central Committee nih January 29 lioah a rak langhter. People’s Spring