Myanmar Motion Picture Organization (MMPO) President Dingah Academy Khansitu Thim A Si

Myanmar Motion Picture Organization (MMPO) President Dingah Academy Khansitu Thim A Si

Myanmar ram chungah lem cangthiam phu asi mi( Myanmar Motion Picture Organization (MMPO) i President tuanmi Academy Lu Min cu rallokap uknak duhlo langhternak ah biatak ten mipi he lamzawhnak langhter ruangah rallokap nih an tlaih i thong an thlak.

Academy Lu Min a um lo ruangah rallokap lei nihcun Lu Min aiawh tu dingah an duhmi Academy Khansitu cu(MMPO) i President tuan dingin thim asi tiah tuchun June 4.2021 ah rallokap lei nih thawng an thanh.Hi kong ahhin Myanmar mipi tampi nih rallokap council thimmi pohpoh kan duh lo ti’n an chim cio.The Chin Post

NUG: A Caan Zat in Ralthawhnak Thawng kan Thanh Lai .Nihin (June 4) zaanlei sml. 5:00 ah NUG nih online in a tuahmi Press Conference ah SAC ralhrang do ding in a caan a cut in ralthawh thawngthanhnak kan tuah te lai, tiah NUG’s Ministry of Defense ah Deputy Minister a simi Daw Khin Ma Ma Myo nih a chim.

“SAC ralhrang uknak ahram in kan chah khawh nakhnga a caan a zat in NUG nih ralthawh thawngthanhnak kan tuah te lai. Khi tik ah SAC ralhrang kan thluk khawh nakhnga Myanmar rammi kan zapi in tho tti hna u sih,” tiah a chim.

“Atulio ah mahlei ngeihmi ralhriam thlir in SAC ralhrang a do cuahmahtu zong an um hna. Nunnak pek in ram ca ah SAC ralhrang a domi vialte NUG nih kan in dirpi hna i upatnak zong kan in pek hna,” tiah Daw Khin Ma Ma Myo nih a chim chap.

NUG nih nihin zaanlei ah a tuahmi Press Conference cu Myanmar rammi hna nih ngeih le zoh khawh lo ding in SAC ralhrang nih zaanlei sml. 5:20 in sml. 6:00 tiang hrawng Internet Line an thah.

Atutan hi NUG nih phungning tein a voi khatnak bik Press Conference an tuahmi a si i, Myanmar ramchung Media pawl le ramleng Media pawl in reporter tampi an kai hna.

Ralthawhnak authawng NUG nih a thanh tik ah Myanmar ramchung tlangcungmi hriamtlai hna i tlangtlaknak tang ah PDF pawl an cawlcaang lai, tiah Daw Khin Ma Ma Myo nih a langhter.The Chin Journal
June 4, Yangon

Be the first to comment

Leave a Reply

Your email address will not be published.


*