Myanmar ah Mangttaam a Tlung Kho tiah WFP nih Ralrin Pek

Atulio Myanmar ramchung ah a cangmi buaibainak ruang ah Asia ah ram sifak bik pakhat a simi Myanmar sipuazi ttumchuknak a chuahpi i, mangttaam tiang in a tlung kho, tiah World Food Program (WFP) nih ralrin peknak bia a chim.

WFP Director Stephen Anderson nih, “Myanmar ram hi vawleicung ramdang hna ah facang a kua tawntu a si nain vawleicung hmun tampi ah buaibainak a chuah tik ah sipuazi lei pehtlaihnak lam a cat. Chawlehthalnak le Bank rianttuannak lei a hun hnorsuan cang i datsi man tibantuk zong an kai,” tiah a chim.

Atulio Myanmar ah a cangmi buaibainak ruang ah mipi khuasaknak cung ah zeitluk in a hnorsuan timi hi chimfian a har rih ko nain atu bantuk in buaibainak pehzul in a um ahcun misifak tam u cu mangttaam nih a tlunh ko hna lai, tiah Anderson nih a chim chap.
By-The Chin Journal March 15, Yangon
FinancialTimes.Hmanthlak: March 14 Insein, Pohtaw ah lamkhamnak an khanghmi.

Be the first to comment

Leave a Reply

Your email address will not be published.


*