Mizoram Sangau in Sialam khua ah Meh-hang zuar dingin a rak kaimi Mawtaw pakhat a let

Mizoram, Sangau khua in meh-hang zuar dingah a rak kai mi mawtaw(pick-up) pakhat cu May 1 suimilam 4:30Pm hrawng Sialam khua pawngah ah a let i maataw a cit ve mi Sangau Nu pakhat a ban a pelh tiah theih asi.

Hikong he pehtlai in sialam khuami pakhat nih ” Cho a kai cuahmah lio ah maataw thazaang nih a chei lo caah hnu lei ah a tawn thluahmahnak in lamcung ah a tluk nak hi asi. Mawtaw mongtu he a citmi dihlak pathum an si i nu pakhat a bang pelh. A dang cu an him. An phorhmi thilri hi Aalu, Cite le Dailuah asi tiah TCP ah a chim.

Mawtaw a letmi cu Sialam mino hna nih an va bawmh hna i 6:30 Pm hrawngah tluang tein Sialam khua a phan cang tiah mino pakhat nih a chim. 2021 May1 By-TCP

Mizoram Champhai District, Farkawn khua ah Myanmar ralzaam minung 600 leng an um cang. Mizoram Champhai District, Farkawn khua ah Myanmar ram in a rak zaam mi ralzam minung 600 leng an si cang tiah tuanvo ngeitu sin in April 30 ah kan theih.

“2021April 29 tiang ah ralzaam hi, patling 300. Nutling 250. Ngakchia 135 an zate minung 685 an si” tiah Pu Juda Mawia, Farkawn YMA upa nih The Hakha Post ah a chim.

Farkawn ralzaam pawl hi, Hakha,Thantlang, Tahan, Zaangtlang, Lungler, Tlangpi, Tlanglo le khua dangdang hna an si. Tuanvo ngeitu sin ah ai report mi lawng hi bawmhnak facang, chiti, cite, pe, eidin i zat cio in phawt an si rih. Hi hnu cun, an dirhmun zoh in phawt an si cang lai. Umnak inn hlan ding a har ca ah Inn tang kor mi kha an i hlan cio. Dinti an har ngai ca ah khua pi in an buai. Cozah Bank a um nain ramleng kuat mi tangka cu Champhai lawng ah chuah khawh a si tiah kan theih.

“Farkawn ah fawi tein tangka thlen khawh peng a si. Nihin April 28 tiang i tangka man cu,1 Rs. ah Ks. 20 a si. Lo thlawh rian an thok rih lo ca ah ralzaam hna nih i hlawhnak an ngei kho rih lo,” tiah ralzaam pakhat nih The Hakha Post ah a chim.

Ralzaam in a ra ding mi cu an ngandamnak check hnu ah a herh ning in kan tawlrel hna lai. Atu hi a kir mi zong an um ngai hna an kan chimh lo ca ah zeizat dah an kir kan hngal kho hna lo ti zong a cunglei upa nih a chimchap. (By : B.H.Van@Lenfu) The Hakha Post

Be the first to comment

Leave a Reply

Your email address will not be published.


*