Mizoram in Kalay ah a tlung mi pakhat sinin Covid zawtnak hmuh a si

India , Mizoram ramkulh, kalram ramri si mi Zokhuathar in Kalaymyo Myohlah veng ah tlung mi nu pakhat(kum-70) sin in nihin zaan lei ah Covid zawtnak hmuh a si .

Nihin (May 27) chung Kalaymyo ah Covid zawtnak hmuh thar mi ,minung (5) an si.

A tu Kalay myo ah Covid zawtnak hmuh mi ,minung (9) an si cang.Kan um kal nak cio ah mask bunh daithlang hña hlah uh si…27May,2021 Zalen The Chin Post

Rev. Dr. Za Hlun Thang te sianginn cu nizan suimilam 11pm ah ralkap nih an luthnawh hna i, a fa pa, saya Pa Sui le midang pa thum zong fak ngai in kut an tlak hna ti thawng kan theih cu kan lung a nuam lo taktak.

An phone an check hna i, a fa pa nih miss myanmar a rak share mi post pakhat ruang bak ah fak taktak in an vuak chap.

Ahodah a si an ti i, ka fapa a si a ti ruangah an bawhter i, voi thum an tuk chap. Rev. Dr. Za Hlun Thang zong kupbil dingin voi hnih an ti nain, a bil duh lo pinah, nan lung si tiangin rak kan check uh, sualnak kan tuahmi pakhat hmanh a um lo tiah a ti hna.

Rev. Dr. Za Hlun Thang te chungkhar hi atulio kan ram a har lio ah misifak le miharsa hna sinah an si khawh tawk in a bawm minhna an si pinah kan chinmi ralzam hna zong a zuanhnawhmi an si i, hi bantukin sualnak ngei loin an luthnawh hna i an nau le tiang in kuat an tlakmi hna cu lung a fak taktak ko.

Tutan an luthnawh hna mi a ruang hi Hmawbi ah sianginn kai kho lo dingin a cawlcangmi hna lakah Chinmi an um tiin report tu an um ruangah ruahdamh in an luthnawh hna hi a si.

Rev. Dr. Peter Za Hlun Thang he phone kan i chawn i, a fa pa zong a pasal ngai caah kaa lawm. Kan si khawh tawk in kan ram ca thlacam le harsami hna caah kan i zuam hna a hau a ti.

Rev. Dr. Za Hlun Thang te chungkhar pathian nih in veng ko hna seh.Ralin cio Ding:
-Phone le Facebook A ri mi an tam ruangah ralring te chawn hna ding. Sualnak ngai lo ah ruah hna lo ding. Thawng Tha Thang

Be the first to comment

Leave a Reply

Your email address will not be published.


*