Mizoram ah Unau An In That

Mizoram, Hnahlan khua ah Hmingthanmawia kum (38) cu a upa Tunsianmunga kum (40) nih a lu ah Tahmuipi in a tuk i a thi.

Hmingthanmawia hi a lu ah hliamhma pu in innchungah an hmuh caah Champhai Sii-inn tlik pi colh a si hnuah a thi.Hi kong he pehtlaih in Palik nih a upa Tunsianmunga cu an zumhlo caah an tlaih i a upa nih keimah vuak mi a si ko tiin a phuan.

Tunsianmunga nih a chim ningah an unau hi a sii lengmang mi an si. Hi ni zongah hin a naupa hi ritbu in a inn ah a rak lut i kut a zo sual lai ti ka phan ruangah ka vuak mi a si tiah a ti. A naupa a thattu Tunsianmunga cu Champhai Palik nih thonginn ah an chiah.maipawl The Chin Post

Adang relthan:Kalaymyo Taungphila veng i a ummi Salai Vum Za Lian(kum 24) cu rithai si ruangah tuzing khuadei ka ah A-Lah-Kah(2) sianginn pawngah a ruak in char asi.

“Tu lio zawtnak Covid ruangah nunnak liam asi lo,ralhrang kut tuar zong asi lo,a takpum ah hliamhma hmuh asi lo,sii a din sual i asi ko lai,a kut ah sii chunhnak a um,a mask huh mi zong a um tiah’ chungkhat pawl nih an chim.

Salai Vum Za Lian hi April thla ah Mizoram,Aizawl ah a kal.Khi ka lei ah lockdown ruangah a rak tlung i nizaan June 24 suimilam 4 hrawngah inn a phan,Mizoram lei ah Covid 19 voihnih zohfel asi i Positive asi lo tiah theihpinak catlap zong a ken tiah theih asi.

Nizaan suimilam 6 hrawngah inn in a chuak i zaan ah a tin ti lo,tuzing suimilam 8 ah vui asi.CLT

Be the first to comment

Leave a Reply

Your email address will not be published.


*