Mizoram ah a zam mi, Police a rak zam mi (Midang le a rak zam thar an um sual ah) kong ah a felfai mi cawlcanghnak in i bomh cio a herh ko rua

Mizoram ah a zam mi, Police a rak zam mi (Midang le a rak zam thar an um sual ah) kong ah a felfai mi cawlcanghnak in i bomh cio a herh ko rua

Nihin zing ah CRC President he UNHCR bia kan ruah hna, kan sining kan chim. 24 hours alert in kan um ve, Champhai le Aizawl ah a phan mi Police rak kan kua tthan uh timi catlap zong ka hmuh, cu caah atu zong India Cozah, Home ministry chonh khawhnak lam kan kawl cuahmah. Mizoram lei ah zeitin pehtlaihnak fel kan ngeih khawh hnga tiah channel kan daap cuahmah an ti.

Kan thinphan bik mi cu “Mizoram, Manipur lei ramri ralkap le Police nih fekthup in an congh mi hi asi. Puipang taktak zam duh zong ah tihnung dirhmun a si nak kong vialte” zong kan chim. 24 hours alert bak kan si ve ko, puipang nan theih ahcun kan chim colh ve uh, 24 hours nan phone chonh le information kan hngak peng ve lai, kan mah lei zong a lam kip in kan cawlcang ve lai an ti ve”.

Mizoram NGOs pawl, YMA le Zirlai Pawl (MZP) nih biatak tein an kan dirkamh, Delhi khuasa Mizoram MPs he zong bia kan i ruah tawn hna, naihniam tein kan i pehtlai i Mizoram Cozah nih cun an kan dirkamhnak tete an chim ve. A poi mi cu Delhi, Central Government order hi Mizoram Cozah zong nih a el khawh mei mei lo caah a lam tu kawl, cawlcangh ning thiam a hau mi phun a si.

Tulio ah Ramkip khuasa kan pale, ramri ah a um mi kan hriamtlai pawl zong hi kong ah biatak tein an cawlcang, Mizoram zatlang phu NGOs pawl he an i chawn bia ko ti asi. Kan bochan ko hna. Zei a si hmanh, puipang a um ahcun, a rak zam thar mi, harsatnak tuar maw a si lo ah lakhruak in zuan hnawh hau an  um sual pang ahcun a herh ning in, kan ti khawhnak lam in Delhi lei zong kan rak cawlcang ve rih ko lai. A herh ko nan ti ahcun theihter khawh ve kan si ko tinak.
Information cu public pi in a herh lem lai lo.
UNHCR le Cozah karlak a si caah zeipaoh confidential a si ko lai. Pehtlaihnak nan kan tuah duh sual ah Ruata .Phone: 8826588693
By-Salai Cung Dawt  Phone: 8800847429

Be the first to comment

Leave a Reply

Your email address will not be published.


*