Mizoram ah a zaam chung mi kan unau CDM pawl dirhmun.

Mizoram ah a zaam chung mi kan unau CDM pawl dirhmun.Mizoram kan unau cawlcangh le an kan tuamhlawm ning hi lung a hmui, upat an tlak tuk hringhran.

Nihin tiangah FARKAWN khua chung lawngah minung 327 an i dor, khuami nih tlun inn an phawt cio hna.Cu minung 327 caah nihin ah Champhai Truck Owner Association hna nih Facang bag 60, Aalu bag 10, chiti case 10, Piat Bag 2 an va pek tthan ve hna.

Aizawl zong cu bantuk cun an bultawl hna, hmun daangdang zongah lumsa tein, siarem tein zohkhenhnak an tuah piak hna.Milu a lut mi an thahnem cang, cu caah inn pakhat ah chungkhar 6, milu 20 leng hna an umter chung hna.Ka langhter duh mi cu, Mizoram kan unau nih an kan dawtnak, humhim nak hi a lian ngan tuk hringhran.

Lailei Civui bantuk in tlun inn phawt cuahmah, zohkhenh cuahmah a si. Caansau zohkhenhnak caah timhtuahnak le dirkamhnak zong a biapi taktak hnga. Kan khual lam tu dih colh hram seh.Credit-Salai Cung Dawt

Adang relthan:Tuchun cu Yangon khuachung sandah piah tam deuh tawnnak (Hlaing Township Insein Rd, North Okkala, Tharketha, North Dagon, Thingankyun, Insein, Sule) ah ka kal dih. Ni dang he ai lo loh, sandah piahmi mibu pakhat hmanh ka hmu ti hna lo.

Voidang cu mibu an um lo hmanh ah lampi an kham dih tawn, nain tuni cu lam ngan deuh an khammi pakhat hmanh ka hmu ti lo. Palek le ralkap nih an thianh dih cang. Lung cu a tha lo ngai, nain mipi mawhchiat awk um lo, meithal in kah ding bawh peng ko ah cun chuah ngam ding a fawi lo cu ta.

Caan a vun rau deuh lai i mipi kan thi a dai thai sual lai phan a um ngai. CRPH nih rianrang deuh mipi cawlcangh khawhnak ding lam thar an ser a hau bak ko cang, lamzawh le CDM lawng a za ti lo.Credit-Salai Lungthli Tum

Be the first to comment

Leave a Reply

Your email address will not be published.


*