Mizo pasal ṭha Rev. Chanchinmawia(ရဲရင့်သော မီဇိုး သိက္ခာတော်ရ ဆရာတော်)(Burmese version in the comment box)

Politician pawl zong nih retheih (sifah) an zuam tik ahcun mizapi hi cu lam zawh in an au len naisai lai lo.

A taktak ahcun, kan ram hruaitu pawl nih hin retheih an ṭih tuk. Anmah ca i inn sak lawng an i zaa lo. Hmun dang an duh chap lengmang. An tule le an fale ca tiang in inn sak cemh an duh lengmang hna.

Miphun ca i an thil tuahmi hi an ruat setmat lo. Mizapi ca ah [cozah nih peekmi] tangka cu an duh poh in an sawksam. [Hi kong ka chimmi hi] mi dang sin ah tampi in chim chin uh ti ka duh ngai te.

Hibantuk i mah zawn lawng aa ruatmi misual pawl hi Pathian nih an nun a zuah rih ko hna hmanh ah phun dang deuh cun a chimhhrin hna lai tiah ka zumh.”

Hi bia hi Mizoram Presbyterian pastor Rev. Chanchinmawia nih a chimmi a si. Fir chom in a rum ngaimi Myanmar ram Ralkap bawi ngan pawl cu chim hau lo, democracy cozah hruaitu hna ca zong ah thakthak faakfaak in ruah len phu a si tiah ka ruah.

Rev. Chanchinmawia hi hi bia a chim hnu pi ah mi kut in a thi tiah an ruah. A takpum chung ah hliamhma pathum an hmuh. Asinain, mizei nih dah zei ruang ah an thah ti hi a tu tiang biafiang an thanh kho lo)
A Ruang Video Zohnak atang link 19/06/2021https://m.facebook.com/story.php?story_fbid=4167642353274826&id=100000873077138

Be the first to comment

Leave a Reply

Your email address will not be published.


*