Mitha lo Ralkap hna nih hramhram in uknak an lak hnu ah duhnak alangh ter mi hna siseh Miphun an thah mi hna cu 714 an reng ti lo.

Mitha lo Ralkap hna nih hramhram in uknak an lak hnu ah duhnak alangh ter mi hna siseh Miphun an thah mi hna cu 714 an reng ti lo. An tleih mi hna hi 3054 an si tiah AAPP nih attial. Chun he zan he leng achuak mi cu Mitha lo hna he i ton paoh ahcun an nawl ngeihnak nan lonh ti ruangah tleih le khih le velh an tong tiah kan theih. Minung pa 5 tluk hmun khat ah an um asi ahcun Meithal zongin an kah hna. Cun an tleih hna i an velh hna. Tonginn ah an kalpi hna. Cu bantuk tthiamtthiam in Social media ah Mitha lo hna Ralkap hna duh lonak alangh ter mi ti bantuk cu an dawi hna i Minthang Minta-mintame zong tampi an tleih hna i Models le hlasak thiam ti bantuk zong an tleih hna.

Tutan mah bantuk Ral tuk nak ahhin Meithal zong hman ahauh pinah alam kip in kan doh cio ding kan rian asi. Thlacam nak in maw, ruahnak cheuhnak in maw, tangka in maw. Social media in maw tiah ram chung ram leng in i bawm in hi bantuk mitha lo hna hi KAN DOH HNA AWK asi.Credit-CCN

Hakha Mino Sin Cakuat – 2 Lairal a rak thawh lio ah kan pule nih mirang kan tei lai lo ti an hngalh ko. An hriamnam aa thlau zong an hngalh ko. An doh lai i, zei a can lai zong an i fiang ko. Nain, anmah mirang ca ah Germany va doh an duh lo ca ah ral an tho. Cucu Hakha mi kan lungput a si. Kan duh lomi thil cu kan dohding a si. Duh lomi tinco nakin thih kha kan rak duh deuh.

US nih phungthluk an ngeih. “Nihin kan ram cu kan tefa hna sin in kan i hlanmi a si” an ti. A biafang kalning ah a ngeitu an tefa cu a ṭhami ram le thil ngeihmi roh ahau timi sullam a si. Cu ti in an ram an ser ruang ah US cu nihin ah vawleicung a ṭhawngbik ram a hung si. Ramṭhen 13 in thokmi mirang penmi ram, 1776 in zalennak a hmumi ram te cu nihin ahcun zohchomi ram ah aa chuah. An ram a sertu “Founding Fathers” pawl cu nihin US rammi nih “lomhnak bia chim cawk lo he chun zaan in an thangṭhat hna. Hihi an i tlaihmi pekchannak ruang ah a rak si.

China ram kan zoh ve ahcun, Mao Zeadong nih doṭhlennak a rak tuah lio ah a rak chimmi cu , “Kan vawlei cu kanmah ta a si. Kan ram cu kanmah ta a si. Kan ram ca ah nang le kei kan ṭuan lo ah hodah a ṭuan lai,” a rak ti hna. Communist pawl cu Guamintang (hlan lio China cozah) nih voi hnih khel te an milu 90% tluk an rak thah hna. Sinain, an ram sersiam ding ah thli bang in an hrang i, tilian bang in an lian. Cu ti cun, an ram cu Communist ram ah an ser. Nihin ahcun an ram cu US dih in vawleicung a lian nganbik ram pahnihnak a hung si. Made in China cu vawleicung a khat dih. Hihi an i pekchannak ruang ah a si ve.

Hi hna ram pahnih kan zoh tikah kan hmuh khawhmi sining aa khatmi cu an ram ca ah pekchanh ngamhnak an ngeihmi hi a si. US doṭhlennak ah minung a thongza in an nunnak an pek ngam bantuk in China doṭhlennak zong ah an nunnak an pek ve. Hihi an teinak bik hriam a si ko. Cucaah, kannih Chinmi zong nih kan ram ca ah kan i pekchan aherh ve lai. Hi ti kan i pekchan lawng ah kan tefa ca ah a ṭhami ro kan chiah tak khawh hna lai. Nang le kei nih nihin caan ah hmailei kan fale ca ah kan duhmi democracy kan hmuh khawh nakhnga a lamkip in kan si khawh chung in i zuam hna usih. Dinfel lonak doh cu Pathian duhmi rian ṭuan a si. Kan miphun nih kan duhmi zong a si fawn. Cucaah, zei kan ton zong ah ralkap uknak cu cohlang lo in doh zungzal ko hna usih!

Hi ti kan tuahsernak hi kan tefa ca ah a sunglawimi tuah sernak laksawng a si te lai. Kan tuah sernak ruang ah nikhatkhat ah kan tefa hna an i lawm te lai. Muihnak a dih in ceunak a um tawn. Kan harhnak a dih tikah kan teinak a chuak te ko lai.Fek te in dir hna usih!By,The Chan

Be the first to comment

Leave a Reply

Your email address will not be published.


*