Miss Universe Myanmar Thuzar Wint Lwin Laksawng pek sawmnak le peknak ding:

Miss Universe zuamnak donhhlei cung bak in Myanmar buainak kong hi vawleipi nih thla kan campiak uh law kan bawm sawh uh ti in mithmai zong panh kho lo in a lungfahnak a langhter i a zohtu le a hmutu dihlak thinlung a suk dih. 

National Costume zuamnak ah kan Chin thuam bak ai hruk. Ai tlak tuk hringhran. Zoh ah hin mit-dii a riam tuk. Miss Universe zohtu vawleicung minung million tamtuk hmai ah kan Chin thuam he Best National Costume bual a co. Tuanbia thar a kan ttialpiak.

Miss Universe Myanmar Thuzar Wint Lwin nih vawleipi hmai ah ralttha taktak in kan ram buainak kong a langhter ngammi le kan Chin thuam bak bual a coter mi hi Chinmi a si ve ko mi nih cun zeitin hme lawmh lo in kan um khawh hnga i kan kaa lawng zong in kan i lawmh ngam hnga.

Miss Universe Myanmar Thuzat Wint Lwin a lawmhpi mi le laksawng pek ve a duh mi poh nih na sian zat poh laksawng rak sanhpiak ve cio dingin kan in sawm hna.
Tawlreltu; The Chin Voice Indianapolis
https://gofund.me/0f6c5440

Be the first to comment

Leave a Reply

Your email address will not be published.


*