Mipi runvennak caah phu an rak ser cio mi ka hmuh i thil tha ngai ah ka ruah ko.Aruang cu CNF / A adai thlan deuh ruang ah hi thil hi acang mi asi kho.

Aherh bak mi rian tiah ka van lim pah i cik khat online ka van bih ta than.Mipi runvennak caah phu an rak ser cio mi ka hmuh i thil tha ngai ah ka ruah ko.Aruang cu CNF / A adai thlan deuh ruang ah hi thil hi acang mi asi kho.

Kan hriamtlai CNF/ A hna nih khan heh tiah khua kip ah kal in mipi le mino hna sin ah sawm le thapek nak an tuah lo, cun lamzawh lio in mipi kan in dirkamh hna, kan in ven ko hna tiah zapi sin ah an rak i langh ve lo caah mipi aa kan veng lo tiah lung awtawm in mipi tampi nih khua an ruah caah rungveng tu phu kip an ser cio nak hi asi.

CNF/A nih le anmah CNF/A chung luh theng lawng kha an orh. An sin va luh lo zongah khua kip ah kal in runven nak,le runven ning kha an va chimh hna ahcun mipi tampi nih CNF/A lei ah an lung an mer ko lai ka zumh.

Ralkap nih uknak an lak hnu mipi lamzawh hnu in mipi thapek le dirkamhnak taktak an tuah lo caah mipi ralkap phu hi an ser cio nak asi.

Hihi atha tuk ko. Ralkap nih hin hriamtlai hna nak in mipi ralkap hi an tih deuh hna. Cucaah hriamnam asi mi poh le  azum haar tiang tuah mi hmanh ralkap sin ah ap ter uh tiah ralkap nih an ti nak asi.

Amah belte mipi ralkap phu hna zong nih CNF/A he kan tanti ah atha.Cucaah acaan um rih ban tuk in CNF/A nih mipi he naih niam tein khua an khan pi hna hi aherh taktak.Credit-Lai Ram Laipa

Caan zei mawzat rian dangdang ruang ah tulio thil cang ka van bih kho lo, ka van i langh lo caan asau ngai.

Kawlram cu ralkap pa he dirh mi mytel company ngeih mi operator wifi lawng in internet onkhawh asi. Mytel wifi ka lak kho ve lo, lak zong ah ralkap pa caah ngunkhuai luhnak asi caah ka duh fawn lo, ramri ka va phanh caan ah india sim Airtel in ka van bih pah hi hi ca hi ka van post.

Khua ka ruah lengmang mi cu mipi nih rian kan tuan piak tiah vote pek mi MP pawl nih vote petu an mipi pawl hman theih lonak hmun le ram/ ramri leng tiang azam mi MP hna kong ka ruah ah ka celh bak lo.

Mipi an zam hmanh ah an nih cu ahnu bik ah aherh si ahcun azam te ding in ka ruah hna nain an mipi hlan ah hngalh lonak ram ah an i thup.

An i thup cu palh tuk asi lo, ralkap nih tlaih khawh lonak hmun le ram India tiang an phak bu zongah vote petu mipi hna hi an i dornak hmun in thazaang zong an van pek hna lo mi hrim hi mipi vote zeirel lo, mipi caah lamkaltu thinlung taktak ngei lomi an sinak ka hmuh tik ah ngaih achia.

Thutden sang aa cuh lomi hna tu nih mipi caah heh tiah ral lak ah ralkap kan doh, inn lak ah hlawhfa chom in aa cawm mi tu nih ram caah ralkap doh in lam kan zawh, sifak mi ko hi ram caah athawh zaang mi le aral tha deuh mi kan si nain acovo atlawm bik le harnak tong bik zong sifak mi hi kan si.Azei si zong ah mipi nih ralkap kan tei tik ah thil thar achuak te ko lai tiah ka zumh ko.

Be the first to comment

Leave a Reply

Your email address will not be published.


*