Mipi Nih Kan Țhawl Hna Ding Kan Rian A Si

Halkha University ah kawl ralkap nih umhmun an khuar i cachimtu saya, sayama te le rianțuantu dang pawl an țhialter hna tiah thawng kan theih cu lung a țha lo tuk hringhran ko. Halkha mipi nih kalhnawh hna i țhawl ding an si, nain atu tiangah cun zeihmanh cawlcanghnak le va țhawlnak le an duhlonak zong va langhternak um loin an dai ko rih hi teh.

Kayah ramkulh Loikaw University le Sagaing ramțhen Monywa University zongah ralkap nih umhmun an khuarhnawh hna i khua mi, mipi nih an duh lo i an țhawl hna ruangah an kir țhan.

Rakhine ramkulh Gwa siizung zongah umhmun khuar dingin ralkap nih an kalhnawh hna. Sihmanhsehlaw siizung uk siibawipa nih a țhawl dih hna i an kir țhan tiah thawng theih a si.

Nihin ah Chin ramkulh Halkha University ah ralkap nih umhmun an khuarmi hi Halkha khua mi, mipi nih țhawl ve ding an si ve nain. Mipi nih lungrual tein nan chuahhnawh hna i nan țhawl hna ahcun an i țhial colh ko lai. Ziah! Zeihmanh cawlcanghnak um loin nan zoh sawh ko hna e.Credit-Salai K. Biak Lian Thawng

Be the first to comment

Leave a Reply

Your email address will not be published.


*