Mipi nih CNA cu an der thawm tuk le kah an ngamh lo tiah kan ti hna.

Ruah cio awk ah’Tu ni zong mipi kan thinlung, chawva le thazang dihlak chuah in cawlcanghnak peh zulh than asi. Cu hlan tawn bang, raltha mi cu zei dah kan tuah awk asi ti thei in mipum in, chawva in cawl canghnak ah i tel asi i ralchia mi tucu online in rak au sawh vial lawng asi rih.

Tu ni BBC news ka van bih i UNSC biachahnak zong ka van hmuh cu lung a hung thawng chin leng mang. Ralkap pawl cu khat lei khat lei in det khawh chin lengmang ansi tik ah an si vang ngai cang. Thlah le thih ding thlah lo le sungh thiam ding dir hmun ah an dir cang. Cucaah i hran kan zau in mipi lungdongh nak ding ca cawlcangh le lih phuah cop in UN hlen ding lam lawng an kawl cang lai ti a fiang.

Cu lioah zei huaha tuah tung loin online in mi seh ding lawng a rak bawh mi rak um asi hoi. A bik in khua ruat thlu lem tung loin CNA soisel nak ah caan tha lawng a rak kawl mi an tam. Cu hna pawl nih hnu hmai tuak lem loin ceng hngia sa seh chuh in an rak i chut ve hoi.

A ngaingai ti ahcun CNA hi kan duh lo rian le miphun caah rian hrang bik a tuanmi an si tihi kan i fiang hrim rua loh. Meithal tleih poh hi ralkah nak ah aruat mi zong kan tlawm loh. Cu lak ah cal ngau pipi le mifim ah ruah mi zong rak i tel asi tawn. Zawnglak ah ngau kang ti ko kan hluan. Kan ruah ngai aherh mi cu, CNA hi an raltha tuk ttih mi an nei lo tihi thei hmasa hau.

An fim caah an thawnnak hman zia an thiam. Meithal in i kah hi teinak asi lo i meithal tleih bu tuin fimnak hmangin rian tuan hi teinak asi ti an hngalh. Ral kah hi hngakchia meipok kah bantuk sawhsawh asi loh. Voikhat meithal puah sual ahcun kap hnih lei caah thihnak, mipi thihnak, thongtlak, nu nau tleihhrem, vok ar nih tuar, fim cawnak, sipuazi tbt nih tuar dih ding asi caah thatnak zei hmanh a um lo. Cucaah Naa tum a hnar phaw vih hnu lawngah hruai khawh si bantuk in dai te le mipi tuar hau lo dingin ralkap cu fimnak in a hnar phaw vih i tei an i tim. Cucu atha bik mi lam asi.

Mipi nih CNA cu an der thawm tuk le kah an ngamh lo tiah kan ti hna. Asi ne ahcun kan thawnnak dingah minung tam deuh kan herh an ti ralkap luh an kan sawn i kan kaa tlum loin online in kan zai than. Asi ne ahcun vulei tang thil chuah kan neih lo caah phaisa tho ne uh an ti i a pelte lawng kan thawh. Cu hmanh ah online au hmang mi hi an zual. AA caah Rakhine nih thla 1 ah $100 an thawh lio ah Chin mi kum 1 ah $100 tholo kan tam tuk.

Kum khat kan thawhmi khi $ ting 1 hrawng asi. Ralkap zenthong pakhat ah $ 2 hrawng asi, ralkap pakhat nih ai thleihmi kuan 200 tluk asi bom pakhat fonh chih ahcun $ 1000 hrawng man le methal $2000 tluk asi caah $3000 adih. Cucaah kan thawh mi dihlak khi ralkap 35 ca hrawng lawng asi. Cucu van puah ahcun nazi 3 ah adih dih kho. Kan zenkuan dih cang van kan bawm uh ti hnaseh law online au len mi pawl hi an zam nak hmanh theih asi ti lai lo afiang.

Cu ahcun tei a um fawn lai lo, mipi tu harnak rel cawk lo tuar asi lai. Online au mi pawl an chung khat nih van tuar hnaseh law an kaa tlum loin an au than lai. Cucu CNA nih an theih tuk caah atha bik lam an kawl mi asi tihi i fian kan herh. Cucaah a fim mi si kan duh ko ahcun dai tein um hi atha bik.

Tutan mipi cawlcanghnak ah Bawipa nih a kan dirpi caah teinak a kan pek cuah mah ko. Be courage and strong! Victory is coming through our God whom we believe!Credit-Van Bawi Kam Zaitu

Be the first to comment

Leave a Reply

Your email address will not be published.


*