Mipi” maw “Zaapi” Dah? Lai caholh thiam ngai cu ka si lo, nain ka siarem lo ngai mi a um.

“Mipi” maw “Zaapi” Dah? Lai caholh thiam ngai cu ka si lo, nain ka siarem lo ngai mi a um. Cucu “mipi le zaapi” kan hmannak hi si. Biafang sullam kan fian palh caah si hnga maw, siloah kan hngalh lo rumro dek?

Biafang sullam zoh tikah “mipi” hi “mi” le “pi” biafang fonh a si. A sullam cu “mițhawngțha, milianngan, mirum, bawi tinak a si. Cucaah Tipi-tiva nganpi; Tupi- tu nganpi; Thlipi-thlichia țotho nganpi ti khin a kal. Phundang in chim ahcun, “mipi” nih mi zei paoh a kan huap lo. Sinain “zaa” biafang nih miphun thleidannak um lo, michia, bawi, a luat le sal, upa le ngakchia kan itel.

“Zaa” biafang hi, a sawm, a zaa timi relning theng khi an chuankhan duhnak a si lem lo. “Kan dihlak,” țialo zapi le zaran” ti khi a sawh duh mi bik mi a si. Za-uk democracy, zalon, zalen, zatlang hna khi “za” pawi mi sullam an ken. Zapi, zaran nih “mibu ningpi a aiawh. Cucaah “zaapi” ai ah “mipi” biafang in “mipi duhnak zulh cu a țha” tiah kan timi khi “milianngan duhnak, bawi duhnak zulh cu a țha” tinak si hnga.

A cung kan fianh mi biafang pahnih hman thiam hi a biapi ngai. Rev. Dr. Țha Nei Fai nih “Mipi le Zapi” biafang kan theidan thiam lo caah ningcang ngei in biatlang kan fiang kho tawn lo a ti bal. Cucaah kan holh, kan ca a țhancho khawh nakhnga, sullam ngei tein catial le chimrel hi a biapi tuk.

Zohchih: G. Biak Nawl capar.Note: Ai remh hlei lo mi nan tam tuk caah ka tholh nolh.Photo: The Hakha Post Laaknak Carson Twintwin

Be the first to comment

Leave a Reply

Your email address will not be published.


*