Miphun zuartu:UNHCR card ngah duh ruang ah kawl ralkap kan hei puh mi hna khi cu a va si tak lo hmanh ah kan theih banh khawh lo mi rili raal lei ah cun a rak dik tuk kho ko

Miphun zuartu:UNHCR card ngah duh ruang ah kawl ralkap kan hei puh mi hna khi cu a va si tak lo hmanh ah kan theih banh khawh lo mi rili raal lei  ah cun a rak dik tuk kho ko. Direct in kan mah ca kan ichim thiam lo hmanh ah indirect in le an tuahsernak hlun in va puh khi a si ko caah lihthiang a si i do a tla mi zong a si fawn. An sual ve hrimhrim i a caan cun icei hna seh ti awk tiang khin an um tawn ve cuh. Miphun le ram vawlei kan nun sining tiang hrokhrol in pakhat hmanh kan chim bal hna lo raalkap kong leng cun.

A tang bantuk hi mah thatnak le thutdan tha thutnak ding caah indirect in miphun le ram sining vialte nonchek lak ah thlak a si tin ka ruah. ဘယ်သူသေသေ ငတေမာရင်ပြီးရော ti phun he aa lo ko. Khah a bia in hnuhmai kan lehthal lai mu.1. CNF/A ruang ah ca cawn khawh a si lo, hna an kan hnawh tuk a ti.Kum (13) a si lio ta a chim mi a si i ruat chun ko u, kum (13) cu an tlai bal hna maw? Nan thei bal cio dik maw?

2. Dr an um lo, sii zong a um lo. Laitlang siibawi minthang bik cu anmah tlang ah dahkaw a um ko cu. Khuate lei cu sii lei cu a cham deuh ko nain cu tluk cu a zualhma lai lo. Amah tah zeitin a chuah? A nu nih bawmh loin maw a hrin hnga?

3. Lam a pem lo, ti a luang lo i mei zong kan ngah lo.Ti tiangtiang cu khuate lei cun an harsa bal cio hna maw?A si lo ah special in zei khuate dah an tuah piak bal cio hna?  Lam le mei cu ”aw” tin ti piak khawh a si ko.

4. Minung pakhat hmanh nih ca kan rel thiam lo i kan tial thiam fawn hna lo. A thiam cia mi pawl zong noncek neh dih a si ko. Amah kum (13) a si tiang a ho nih dah ca a chimh kun?

5. Caa aa zuam tuk caah tin nan perh piak i a taw nan zat : amah zong a hnar a ngan chinchin ve ko.Caa aa zuam mi a si cun India university kha zat kha kal hau loin a ”mark” nih a tlinh colh lai si.

6.Sii in a bawmh hna ruang ah miphun dawtu nan ti men lai.Malay khin NGO (non profit organization) le Dr te an ifonh hna i sii cu free in khoika kip ah an phakter i an izohter ve lengmang ko.NGO le Siibawi te an rian pei a si cu tin kan theih ah a tha.

7. Vanleng tual ka tuah dih lai a ti.Amah umnak zawnte hmanh tutiang a lim rih lo, vanleng va tam tuk ko hmanh sehlaw aa cittu an um tung lo cun .Cun Laimi cu semsi kan khak (zaangram) tuk tawn i aa tungmer kho thai lai lo a fiang ko.

8.Tu naite chizawh chuakka te  bang a mit aa au khawhka  fang te lawng a si rih mi cu ramkhel lei ah a kan thlahtu ”Adam” bang thinlung thlarau ramkhel mit  in a si mi  kanpa le kannu le a zuam cawh ngam ve hna.Bia an hal nak hna khan ka zoh zuam lo က in a thawk lai i Z ah a va donghter lai tin ka theih cia: a rak si taktak.

9. Arnu thil in cacawn ka pok a ti. Ar cu minung pakhat nih (30-40) cung phorh a ngah lo. Ar arkhat ah Rs. 50 in va chia ko usih, A dihlak in Rs. 1500-2000 kar te lawng a tam bik a chuak. Cu zatte tangka nih University hmun dangdang cio i a ummi pa (20) kalnak a zawh lai maw?

10. Rangoon tiang ke in a kal.Hmeinu hmeipa fale hna hmanh tangka an rawnh hna; motor citnak le eidin man tiah 11. Chinram in Dr an um lo caah a hmasa bik Dr ka si a ti. A si maw, capo maw a chim?

12. Chinram kulh chung in mino (300) leng training ka pek hna i ca ka cawnter hna a ti.Anmah tlanghuap hmete leng a dang ca cawn ah a au bal hna maw, a thlah bal hna maw?

13. Baroness a rak luh lio ah Yangoon, Mandalay in Kalay to Hakha, Hakha in anmah lei kalpi loin hlingso tlangsam, tuhmawng zing hawr bingbo aa thim i India lei in a hel bak in a hel i a luh pi.
! A ruang zeidah a si?

14. Pathian kaa bochan, aa bochan tuk nan ti i a lu nan leiter. Pathian nung aa bochan mi nih a cung vialte hi a lih ngam hnga maw?

15. CHRO lukheng ah aa fu.Nang tanghra na lanh-awng(passed) lo khah tin hawile nih hei ti ruang i rianrang in ”Certificate ” va cawk zawk i hei hmuhter cu a fawi tuk si.

Kha zat kha si chung sehlaw:  kei cu cu bantuk minung cu kan Chin miphun i cung ”arfi” tin  miphun aiawhtu ah kan chuang kho bak lo. Lih in aa thawk mi cu a donghnak zong ah lih lawngte a si ko lai. Atu lio nan uar bik mi hna : tuahsernak le pekmi a phozar lengmang mi nan biak hnik cang hna mi  hi pa le Salai TT an pahnih fonh in SH pakhat nih private in a hlutmi pawl khi an tluk kho rih nemmaam  lo a man  a rihzan .

Anih SH tu cu a pasal bak , a pek mi hmanh amah nih a langhter duh lo; mi nih an langhter cun ti cun kan theih khawh ve ceo a si. Naite zong Salai TT (paren) a tu tiang a hlutmi nakin tampi a hlut rih ko nain a chim fawn lo. An tuah cia mi zong ah an tluk kho hlei lai lo,  quality chin cu van le lei bantuk.  Cu caah ”arfi” chuan ding chuan loin ”cepa” tu arfi ah kan ichuan sual ko rua ka ti.Credit-Ceuhmun Thang

Be the first to comment

Leave a Reply

Your email address will not be published.


*