Miphun Adaw i A Dirpi Tu Nulepa U le Nau Hna

Kan nih Tlangrua “A” cu 2010 ah siseh 2015 ah siseh kawl pennak duh loin santlai lo bik mah miphun party ai thim ngam mi khua kan si.  Kan si a fak kan harsa ko nain kanmah miphun hlei midang miphun ai ruahchan in ai bochan mi khua kan silo caah Tlangrua ka si hi keimah pumpak hrimhrim in kai lunghmuih.Nan i lunghmuih cio lai ka zumh.

Tuni pawkhimnak ca le nuamhnak lawng a ruat mi nih thanchonak siloah hlawhtlinnak taktak an hmu kho bal lo, cucaah tuni i kanpaw a khim lo hmanh ah ni nikhat ahcun kan paw a khim hrim lai.  Cucu kanmah kan i zuamnak thawngin asi lai.Tuni pawkhimnak ca lawng a ruat mi maw na si zungzal pawkhimnak ca a ruat mi dah na si?

Miphundang kutke in thancho ai tim mi maw na si mah kut ke tein thancho ai tim mi dah?A kawm chungah erh mi caw cu rawl petu nih rawl a pek khawh lo tikah zeidah a cang lai?Miphun a dirpi tu khuami hna a har buin kan pahchih mi lam hi nikhatkhat ahcun kan chuah hrimhrim ko lai; kan tha chia hlah usih, kan lung thul hna hlah usih.Israel miphun tuanbia kha a thar in vun ruat ti than hna usih.

Miphun pakhat kan sinak thazaang langhter caan a cu, a tuantuk rih ti sawh hlah usih. Thanchonak mit in kan zoh si ahcun “Tuni tuan ding thaizing ca kan i chiah cun thanchonak taktak kan hmuhkhawh ding a har.  Cubantuk cun kan miphun nih teinak kan hmuhkhawhnak ding ahcun November 8 thimnak hi a biapi tuk.  Tutan i teinak kan hmuh hlei lo ahcun kaar tamtuk kan tlai cang.Kan miphun a sungh cu kanmah kan sungh zong asi lai.Tuni in thok hna usih .Tuni in dir ti hna usih.Tuni hi miphun caah kan caantha asi.

CNLD hi miphun kan i fumtomnak lawngah ruat loin kan khua kan i fumtomnak caah hmang hna usih.Dawtmi u le nau nulepa hna kum 70 reng lo sal dirhmun le sin-um dirhmun in caan kan hman mi hi CNLD nih a kan chuah khawh lo hmanh ah a kan chimrel piak ngamtu an si lai. 

Cucaah Nov-8 thimnak ah na covo asimi vote cu na miphun  CNLD ah rak pe hram ko sawh uh tiah kan nawl hna.Ka nolh than lai: kan biaknak, kan caholh, kan nunphung  hrawhhral le dawpdolh ai timtu miphun nak cun, kan biaknak a dirkamh tu le kan nunphung kan caholh a dirkamh tu na miphun party ah vote rak pe hram ko. Pathian nih a  kan duh piak mi zong asi lai.

Cucaah Vote_CNLD Kan khua biaruahnak ah ka post mi siko nain lengchuahpi dingah thil poi asi lem lo caah  ka timeline ah share ka tuah than.Credit-Salai Biak Thawng Ceu

Be the first to comment

Leave a Reply

Your email address will not be published.


*