Minung si nak in lung dongh caan hi a tam ngai, a si nain Minung i kan ral ngan bik cu lung dongh nak a si caah kan lung dong hrim hrim hlah seh!

A liam cia kum 8 hrawng ah khan Ca ka rak tial mi cu kawl Ralkap lawng kan ral an si lo. Lung dongh nak zong hi kan ral ngan taktak asi tiah ka rak tial.

Upa pakhat nih cu bia cu a rak uar ngai caah cu ca ka tial kum 4 hnu hrawng ah khin mah ca na tial mi kha ka kal nak paoh ah ka va chim a ka ti. Zei ti ngai in ka let lem lo na chim khawh ahcun a tha tuk cu ta tiah ka lung chung tein ka rak ti.

Cu ca ka rak tial duh chan nak bik cu dohthlennak ah kan lung dongh hlah seh ti a si. Minung i kan ral ngan bik cu lung dongh nak asi, cu caah kawl Ralkap lawng hi kan ral an si lo lung donghnak zong hi kan ral a si. Kan lung dong hrim hrim hlah seh ka rak ti.

Cu caah Minung si nak in lung dongh caan hi a tam ngai, a si nain Minung i kan ral ngan bik cu lung dongh nak a si caah kan lung dong hrim hrim hlah seh!

A ho kan si ah Minung i kan ral ngan bik cu lung dongh nak hi a si. Kawl Ralkap lawng hi kan ral an si lo. Lung donghnak zong hi kan ral a si ti kan i theih cio hna ding ah kan sawm hna.Kan lung dong hrim hrim hlah seh!Credit-Salai Ceu

Adang relthan;Kan kawlram sining ruah ah lung a nuam lo. Thaw a ip hrinhran. Mit hmai a panh kho lo. Dide ngai in hna tun cio asi. Nizan ah sahngar nih ar an fir. Ngol a um lo. Tu ni ah a peh. A tu ah a ho caan dah si lai theih asi lo.

Ka pi ka ningti timi kan hngakchiat lio i lente kan rak i celh tawn ah kan rak timi tawnmi kha a tu cun a tak asi. Ningtih thlalau in khua kan sa.

A him deuhnak hmun kawl in nusal pasal thingkua lungpuk kan bih. Pacem nih chungkhar, nu pi le fa le humhimnak a ruah ah zan thinthi in aa hngilh ti lo.

Kan nu tar kan patar a zam kho lo mi nih mah ti hin maw siaruah tuar in kuanfang ruah an tuar lai timi ruah ah lung nih a phan lo. Me a rem kho lo.

Zaangthawng, seino, leng-valrual hna, hringsortu pi le pu, nu le pa hna nih an ka roh tak mi ”kan ram” hi kan zam tak lai maw? Kan mah nun humhimnak lawng maw kan kawl lai? Ruah cikcek caan a phan. Biakhiah caan a cu. Teinak thantar ruahchan bu’in hmai nawr chin hna usih! Credit-Chavy Tha Kin kulh

Be the first to comment

Leave a Reply

Your email address will not be published.


*