Minung an si ve caah KIA nih rawl khim tein an pek hna

KIA nih misual ralkap 40 an thah hna sakhan 3 an lak a nung  tleihmi  zong rawl khim tein an pek hna.Atu lio KIA mi kah le doh cu tih a nung bak.  Kawl ralkap nih a celh an celh lo.  Nizan March 24 zanlei suimilam 5:30 tluk ah Kachin Ban-maw khayan Mo-moh peng ummi KIA Tatmaha 5 tang tatzin 25 le 30 hna nih an pawng  Kawl ralkap Hk. M. Y 387 sakhan cu an nam hna i nihin zing suimilam 5:00 tiang fak taktak in an i kap.

Hi an i kahnak ah KIA nih kawl ralkap 40 leng an thah hna Bohmu pakhat telh in minung 4 a nung in an tlaih hna. An hriamnam zong an lak dih.

Cun mah kawl ralkap umnak pawng tlang cung um kawl ralkap sakhan hme 2 zong KIA nih an lak chih.

KIA hi ralkap phung a zulmi cu an si. An tlaihmi hna zong kan ral nan si ai tiah an that hna lo. Tha tein an zohkhenh hna. Cu hlan cu phaisa zong an rawnh hna i an thlah tawn hna.Credit-Tluang Ceu Thang

Adang relthang:Breaking news :Nihin Hakha, ralkap uk duhlo lamzawhnak ah ralkap le palik nih mi an tthenthek. Meithal zei mawzat an puah. Pyidawtha market pawng ah minung 4 an tlaih hna tiah a hmutu pakhat nih a chim.

Cozah Mucu pawng ah minung pakhat zong an tlaih tiah theih a si.Atu sml. 4:20pm tiang ah hin Pyidawtha market pawng ah ralkap le palik nih mi an bawh rih tiah kan theih. The by-Chin Journal March 25, Hakha

Be the first to comment

Leave a Reply

Your email address will not be published.


*