Chin Ramkulh Khualipi Hakha ah Siang hleiruun University ngeih khawh ding hi biatak tein saduh thah cio a rak si.

Mi pakhat thawng, sa pakhat thawng tiah phungthluk kan ngeih bang atulio Chin Miphun le Chin Ramkulh nih Vice President U Henry Van Thio kan ngeihmi hi cu kan ram le miphun sersiamnak caah kan ihlaawk taktak.

Chin Ramkulh Khualipi Hakha ah Siang hleiruun (University) ngeih khawh ding hi biatak tein saduhthah cio a rak si.USDP Cozah, CNF, Hakha Khuanu Khuapa le Upa a dangdang zuamnak thawngin Hakha College tiin USDP Cozah nih a min men tein an kan dirhpiak. Kan i lawm ko.2016 April thla thawk in NLD Cozah an vun kai in

Vice President U Henry Van Thio ( Henry Jessepa ) nih Hakha College cu Hakha University (Comprehensive University) ah sersiam dingin a rak timhtuahmi cu Union Minister for Education nih Amah he Hakha an tlun lio ah Mizapi sinah chimphuannak a ngeih. Cu hnu cun, Hakha College cu atu  Hakha University dirhmun ah khulrang ngaiin a phanh khawhnak asi.

Hakha University ahhin Arts and Science University, Technological Univesrity, Computer Science University le Education College phun 4 hna kha hmunkhat ah chiah in Comprehensive University si ding saduhthah nganpi he timhtuah asi. Myanmar ram ah a pakhatnak Comprehensive University ti khawh asi i Hakha_Model ti zong in chim asi pah cang.Hakha Univesrsity ahhin amak taktakmi LIBRARY Innpi dot (4) sak tthan ding zong saduhthahnak a ngei. Amah silo ahcun atu Library a um komi a thar pakhat a nganpi sak tthan hna cu a fawilomi khi si.A herh ahcun Hakha Comprehesive University kong hi tlamtling deuhin ka ttial tthan te lai

Chin ramkulh chaklei ah Hakha University a um bantukin Chin ramkulh tlanglei Mindat Khuapi zongah Mindat Univesrsity hi a um awk asi tiah Vice President U Van Thio nih saduhthahpiaknak nganpi a ngeihmi cu a rianttuan khawhnak le a nawlngeihnak hmangin a 2016-2017 khan a rak timhtuah cang. Mindat Khuapi ah Mindat University dirh ding chunmang a manh hmasa i a ttuanchuah khomi hi Amah VP U Henry Van Thio  bak hi asi ko.

Mindat Khuapi he lam naite Pakokku Khuapi ah Pakokku University a um tikah Mindat Khuapi ah Mindat University dirh ding timhtuah hi a fawimi asi loh.Sihmanhsehlaw Bawipa Pathian nih a chunmang thlua chuahnak a pek caah atu bantukin Mindat College (Mindat Comprehensive University asi colh te ding) cu 2019-2020 Fical Year in innlo sakhram an thok cang.

2019-2020 Fiscal Year lawngah Mindat College saknak tlai deuhah an thoknak cu Vawlei hmunhma ruangah asi. Mindat Khuapi vawlei ngeimi hna nih pupa ram anti, kan vawlei anti tikah rianrang tein College caah vawlei an tuaktaan kho colh loh. Cucaah VP U Henry nih Pu Aung Than Hluttaw Deputy Speaker a rak si lio kha pumpaak bakin ttuanvo a pek i Mindat Khuanu khuapa hna, Vawlei ngeitu hna le Cozah zung upa te hna he an ceihhmai dih hnu ah atu Mindat Comprehensive University asi dingmi hmunhma hi an vun hmuhkhawhnak si. Cu le cangkaa cun, Sianghleiruun saknak ah a rannak in  budget thlaak colh dingin a tawlrel khawh caah 2019-2020 Fiscal Year in Mindat Comprehensive University innlo le lam suul saknak cu biatak tein thok asi.

Comprehensive University saknak Budget cu a tam tuknak ah kum 4,5 hmanh ah pehzulh peng ding asi rih caah Budget cu a dikthir in kan vun langhter ti lai loh.Atu Hakha University i CONVOCATION HALL INNPI pakhat saknak ah Kyats Sing 93,000 leng budget an kan thlaakpiak khawh khih. Mindat University zongah CONVOCATION HALL INNPI cu a dir ve te lai cu mu. Budget kong cu hei ruat cio ko hmanh uh.Hman thlaak ah zeimawzat ka vun langhterchih lai.

Biapeh Mi cheukhat nih Zei bantuk Cozah zong nih anmah rian cu an ttuan ko lai,Vice President U Henry Van Thio ruangah le NLD Cozah ruangah Chin ramkulh nih budget tam deuh kan hmuhnak asi loh tiah an chim tawn. Cucu, khuaruat kho deuh nih cun asilo ning theih viar si.

Cozah nih anmah rian an ttuannak ding ahhin Parioritized Policies an ser hmasa i cuti cun rian ttuanchuah asi tawn.NLD Cozah le  VP U Henry nih Chin ramkulh Fimcawnnak lei (atu Hakha University, Mindat University, GTI(Hakha,Falam, GTHS (Tedim, Mindat,Thantlang, Paletwa) te hna hi biatak tein ttuanchuahpiak lo le papek lo ahcun atulio dirhmun hi zeitindah an phaak khawh hnga?

Myanamr ram hi a rum tuk i a duhmi paoh a tuah khomi, ti hman in phaisa a hmang khomi ram asi lo cuteh.Thangtthat awktlaakmi le connglawmh awktlaakmi hna cu thangtthat le conglawmh ko hna usih. Bawipa Pathian duhmi zong asi ko. Kan ram le kan miphun nih kan sunghnak zong a um lai loh, kan i hlawwknak lehlam lawngte an si ko hna.Credit-Tluang Za Thang

Be the first to comment

Leave a Reply

Your email address will not be published.


*