Mindat Khuachung ah SAC Ralkap an Lut, Pa Paoh Tlaih Ding in an Kawl Hna

Zinglei sml. 9:30 hrawng in Mindat mipi le SAC ralkap pawl caan saupi an i kah hnu ah Mindat khuachung ah SAC ralkap pawl an lut cang, tiah thawng kan theih.

Mindat khualuh lai ah a ummi khua pakhat i inn pawl zong SAC ralkap nih an khanghpiak hna i khuami a zaammi an um len.

Mindat khuachung i inn kip ah SAC ralkap an lut i, pa paohpaoh tlaih ding in an kawl hna.

“Nihin zinglei kahdohnak ah CDF-Mindat nih lampi in SAC Ralkap pawl an kham hna nain SAC lei nih Grenade Launcher le RPG tiang hmang in an kah hna caah Lai meithal lawng aa tlaihmi CDF-Mindat pawl cu hnu ah an i thawn thluahmah i Mindat khua tiang SAC ralkap an luh khawh hi a si,” tiah khuami pakhat nih a chim.

Nihin zinglei kahdohnak ah kap hnih a thimi le hliam a pumi an um le um lo theih a si rih lo. The Chin Journal April 27, Hakha Hmanthlak: Kan hnu thla Mindat khuachung hmanthlak.

ASEAN chungtel ram hna hi miding mifel ram an si ko ahcun biadik thildik an kawl i an dirpi ngam anherh.

Indonisia ram ASEAN meeting ah Min Aung Hlaing an sawm, bia an chim ter. Mi hrokhrol ti hngal ko bu i meeting an sawm mi le bia an chimter mi hi ASEAN ram chungtel nih an hlat hlai than aherh.

Min Aung Hlaing nih meeting ah bia achim ve cang caah, ASEAN ram nih avui hnih nak ASEAN meeting an auh than,i MAH si lo in CRPH/ NUG chungtel upa an sawm than hna aherh.

Min Aung Hlaing chim le CRPH/ NUG chim ning kha cuai thlaiti hnu ah ASEAN nih biachah nak tuah aherh. MAH biachim nak lawng cun biachah awk asi lo.

Cu caahASEAN hi a ding felmi ram an si ko ahcun a vui hnih nak ASEAN meting an auh than i NUG cozah hi biachimnak an pek ve hna aherh. Credit-Lai Ram laipa

Be the first to comment

Leave a Reply

Your email address will not be published.


*