Mindat Khua Lak ding in Myanmar SAC Ralkap nih Thazaang Tampi in an Rak Doh

Mindat khua lak ding in Myanmar SAC ralkap nih nihin zinglei ah Kalay, Gangaw le Pakukku lei in ralkap thazaang tampi an chap, tiah thawng kan theih.

Mindat he meng 12 a hlatnak hmun ah a ummi Htinchawng khuate ah mipi le SAC ralkap karlak ah kahdohnak a fak ngaingai.

SAC ralkap nih bomb hmang in khuachung inn pawl an kah caah inn cheukhat zong an kaang.

Nihin zinglei sml. 9:00 hrawng in kahdohnak a chuah tthan hi a si i, atu ahcun SAC ralkap pawl hi Mindat khualuh lai hrawng ah an phan i Mindat khuami tampi zong ramlak lei ah an zaam hna.

Mindat khuapi chung ah SAC ralkap nih fek tein hmunkhuar khawh ding in thazaang tampi he an doh bang in Chinland Defense Force (Mindat) zong nih Lai meithal pawl he an doh cuahmah ve hna.

Atu tiang ah cun i kahdohnak ah kap hnih hliam a pumi le a thimi an um le um lo fiang in theih a si rih lo. The Chin Journal
April 27, Yangon

Myanmar ram kong hi vawleipi nih a zohsawh awk a si lo, tiah Presindent hlun Barak Obama nih chim.

Rammi hramhram in kahthah le hrem an si nain an aw cu lau awktlak in a thang. Hramhram in nawlngeihnak latu ralkap hna hi rammi mizapi nih zeitik hmanh ah an cohlan lai lo bantuk in vawleipi zong nih cohlan ve lo ding a si.

Rammi a thattu, minung hawi zawnruahnak ngei lo mi ralkap hna nih Myanmar ram hi thanchoter si loin a tlaktertu an si mi zong ram innpa Asia ram hna nih an theih a herh cang, tiah Barak Obama nih a chim.
BBC The Hakha Times

Be the first to comment

Leave a Reply

Your email address will not be published.


*